វីដេអូរបស់សាក្សី ឃើញទឹកជំនន់ និងបំណាក់ដីនៅប្រទេសស្វីស ដែលបង្កឡើងដោយសារភ្លៀងធ្លាក់ខ្លាំងដ៏គំហក់ ។

តំបន់ជាច្រើននៅក្នុងវីដេអូឃ្លីប ត្រូវបានបញ្ជាក់ផ្ទៀងផ្ទាត់ដោយផែនទីផ្លូវ អគារ រចនាសម្ព័ន្ធ ដើមឈើ ស្ពាន និងព្រែកជីក ដោយផ្គូផ្គងជាមួយរូបភាពផ្កាយរណប ។

ខណៈពេលនោះដែរ ក្រុមនគរបាល បានជំរុញឲ្យប្រជាពលរដ្ឋបន្តស្នាក់នៅក្នុងផ្ទះ មិនត្រូវធ្វើដំណើរនៅតាមតំបន់រងគ្រោះនោះឡើយ ស្របពេលដែលផ្លូវជាច្រើនខ្សែ ត្រូវបានបិទ ។

អ្នកនាំពាក្យមួយរូបរបស់មន្ទីរឧតុនិយមស្វីស និយាយថា វាមិនមែនជាកម្រិតទឹកភ្លៀងនោះទេ តែវាគឺជាការភ្លៀងធ្លាក់ខ្លាំងយ៉ាងគំហក់ ក្នុងរយៈពេលខ្លី ដែលការភ្លៀងធ្លាក់បែបនេះ កើតឡើងតែម្តងប៉ុណ្ណោះ ក្នុងរយៈពេល ៣០ឆ្នាំ ។

ទឹកទន្លេ បានឡើងប្រៀបច្រាំងនៅតាមជ្រលងភ្នំ Mesolcina និងបានជន់លិចផ្លូវថ្នល់ ផ្ទះសម្បែង និងភូមិដ្ឋានប្រជាពលរដ្ឋ ។ ផ្ទះ ៣ខ្នង និងរថយន្ត ៣គ្រឿង ត្រូវបានទឹកហូរនាំយកទៅ នៅក្នុងភូមិ Sorte ៕