ក្រសួងការបរទេសកាណាដា បាននិយាយនៅក្នុងសេចក្តីថ្លែងការណ៍មួយកាលពីថ្ងៃអាទិត្យថា ឯកអគ្គរដ្ឋទូតកាណាដាប្រចាំទីក្រុងប៉េកាំង បានធ្វើទស្សនកិច្ចនៅតំបន់ស៊ីនជាំង( Xinjiang) កាលពី    សប្តាហ៍មុន ហើយបានសម្តែងការព្រួយបារម្ភអំពីការរំលោភសិទ្ធិមនុស្សដោយផ្ទាល់ ទៅកាន់ក្រុមមេដឹកនាំក្នុងតំបន់។

របាយការណ៍ឆ្នាំ ២០២២ របស់ប្រធានសិទ្ធិមនុស្សរបស់អង្គការសហប្រជាជាតិ បាននិយាយថា ការប្រព្រឹត្តរបស់ប្រទេសចិនលើជនជាតិអ៊ុយហ្គ័រ (Uyghurs)ដែលជាជនជាតិភាគតិចមូស្លីមភាគច្រើន នៅ តំបន់     ស៊ីនជាំង នៅចុងខាងលិចនៃប្រទេសនេះ អាចបង្កើតជាឧក្រិដ្ឋកម្មប្រឆាំងមនុស្សជាតិ។ ទីក្រុងប៉េកាំងបដិសេធការចោទប្រកាន់នេះ។

លោកស្រី ឯកអគ្គរដ្ឋទូត Jennifer May បានទៅបំពេញទស្សនកិច្ចនៅតំបន់ស៊ីនជាំង ចាប់ពីថ្ងៃទី ១៩-២២ ខែមិថុនា ដែលជាដំណើរទស្សនកិច្ចលើកដំបូងរបស់បេសកជនកាណាដា ក្នុងរយៈពេលមួយទស   វត្សរ៍។

សេចក្តីថ្លែងការណ៍របស់ក្រសួង បាននិយាយថា៖«(ដំណើរទស្សនកិច្ចនេះ) គឺជាឱកាសមួយ ដើម្បីបង្ហាញការព្រួយបារម្ភរបស់កាណាដាអំពីស្ថានភាពសិទ្ធិមនុស្សដោយផ្ទាល់ ទៅកាន់ថ្នាក់ដឹកនាំនៃតំបន់    ស៊ីនជាំង។

សេចក្តីថ្លែងការណ៍នោះ បានឲ្យដឹងទៀតថា៖ «លោកស្រី May បានលើកឡើងពីការព្រួយបារម្ភលើរបាយការណ៍ ដែលអាចជឿទុកចិត្តបាននៃការរំលោភសិទ្ធិមនុស្សជាប្រព័ន្ធ ដែលកើតឡើងនៅក្នុងតំបន់ស៊ីនជាំង ដែលប៉ះពាល់ដល់ជនជាតិអ៊ុយហ្គ័រ និងជនជាតិភាគតិចមូស្លីមដទៃទៀត រួមទាំងការលើកឡើងដោយអ្នកជំនាញរបស់អង្គការសហប្រជាជាតិផងដែរ» ។

ស្ថានទូតចិនប្រចាំទីក្រុងអូតាវ៉ា មិនអាចសុំការអត្ថាធិប្បាយបានភ្លាមៗទេ។