អ៊ុយក្រែន និយាយថា រូបភាពផ្កាយរណបបង្ហាញពីការបំផ្លិចបំផ្លាញឃ្លាំងរបស់រុស្ស៊ីដែលប្រើសម្រាប់បាញ់បង្ហោះយានដ្រូនដែលផលិតដោយអ៊ីរ៉ង់ និងហ្វឹកហាត់ទាហាន។

រូបថតដែលបង្ហោះដោយកងទ័ពជើងទឹកអ៊ុយក្រែន ធ្វើតាមរបាយការណ៍នៃការផ្ទុះដ៏ធំមួយ នៅជិតអាកាសយានដ្ឋានរុស្ស៊ី នៅតំបន់ Krasnodar ភាគខាងត្បូង។

ទីក្រុងមូស្គូ មិនទាន់បានធ្វើអត្ថាធិប្បាយលើរបាយការណ៍នេះនៅឡើយទេ ប៉ុន្តែបាននិយាយថា ខ្លួនបានបាញ់ទម្លាក់យានដ្រូនមួយចំនួន នៅក្នុងតំបន់មួយ កាលពីយប់ថ្ងៃសុក្រ។

មន្ត្រីកងទ័ពជើងទឹក ក្នុងទីក្រុងគីវ បាននិយាយថា គ្រូបណ្តុះបណ្តាល និងសិក្ខាកាមមួយចំនួន ដែលរៀនប្រតិបត្តិការយានដ្រូន Shahed ផលិតដោយអ៊ីរ៉ង់ ត្រូវបានសម្លាប់ដោយការវាយប្រហារ ដែលពួកគេបាននិយាយថា បានកើតឡើង កាលពីយប់ថ្ងៃសុក្រ។

នៅក្នុងការបង្ហោះទៅកាន់បណ្តាញ Telegram មន្ត្រីកងទ័ពជើងទឹកនៅក្នុងទីក្រុងគីវ បាននិយាយថា ប្រតិបត្តិការនេះ ត្រូវបានគ្រោង និងធ្វើឡើងក្នុងភាពជាដៃគូជាមួយទីភ្នាក់ងារចារកម្មអ៊ុយក្រែន។

ទិន្នន័យពីក្រុមហ៊ុន Planet Labs ជាក្រុមហ៊ុនមានមូលដ្ឋាននៅសហរដ្ឋអាមេរិកដែលបានថតរូប បានបង្ហាញថា មូលដ្ឋាននេះ គឺស្ថិតនៅលើសមុទ្រ Azov ទល់មុខទីក្រុង Mariupol ដែលកាន់កាប់របស់អ៊ុយ   ក្រែន។