បណ្តាប្រទេសសហភាពអឺរ៉ុប (EU) បានអនុម័តដាក់ទណ្ឌកម្មប្រឆាំងនឹងបុគ្គលចំនួន ៦នាក់ នៅក្នុងប្រទេសស៊ូដង់ នៅថ្ងៃចន្ទ (ទី២៤ ខែមិថុនា) នេះ ជុំវិញសង្គ្រាម រវាងយោធាស៊ូដង់ និងកងកម្លាំងគាំទ្ររហ័សប៉ារ៉ាយោធា (RSF) ដែលបាន និងកំពុងរួបរឹតប្រទេសនេះ។

បញ្ជីរាយនាម រួមមានអគ្គបញ្ជាការរបស់ RSF នៅតំបន់ West Darfur ដែលក្រុមប្រឹក្សា EU បាននិយាយថា ទទួលខុសត្រូវចំពោះការប្រព្រឹត្តអំពើឃោរឃៅ ញុះញង់ឲ្យមានការសម្លាប់ដោយចេតនាលើជនជាតិភាគតិច អំពើហិង្សាផ្លូវភេទ និងការលួចប្លន់ រួមនឹងការដុតសហគមន៍។

ជាមួយគ្នានេះ EU ក៏រួមបញ្ចូលទីប្រឹក្សាហិរញ្ញវត្ថុរបស់ RSF ក៏ដូចជាមេដឹកនាំកុលសម្ព័ន្ធដ៏លេចធ្លោ Mahamid ដែលមានទំនាក់ទំនងជាមួយ RSF នៅតំបន់ West Darfur៕