ឯកអគ្គរដ្ឋទូតប្រទេសអឺរ៉ុបចំនួន៣(E3) បានអានសេចក្តីថ្លែងការណ៍មួយ កាលពីថ្ងៃចន្ទ នៅអង្គការសហប្រជាជាតិ ដោយបញ្ជាក់ពីតម្រូវការសំខាន់ សម្រាប់ប្រទេសអ៊ីរ៉ង់ ដើម្បីអនុវត្តតាមផែនការសកម្មភាពគ្រប់ជ្រុងជ្រោយរួម (JCPoA) មុនពេលផុតកំណត់នៅខែតុលាឆ្នាំ ២០២៤ នៃសេចក្តីសម្រេចរបស់ក្រុមប្រឹក្សាសន្តិសុខអង្គការសហប្រជាជាតិ លេខ ២២៣១។

ឯកអគ្គរដ្ឋទូត បានសម្តែងការព្រួយបារម្ភខ្លាំង ជុំវិញរបាយការណ៍របស់ទីភ្នាក់ងារថាមពលអាតូមិកអន្តរជាតិ (IAEA) ដែលចង្អុលបង្ហាញពីការកើនឡើងគួរឱ្យកត់សម្គាល់នៃសកម្មភាពនុយក្លេអ៊ែរ របស់ប្រទេសអ៊ីរ៉ង់ រួមទាំងការបង្កើនការចម្រាញ់សារធាតុអ៊ុយរ៉ានីញ៉ូម លើសពីដែនកំណត់ នៃផែនការសកម្មភាពគ្រប់ជ្រុងជ្រោយរួម (JCPoA) ។

ឯកអគ្គរដ្ឋទូត បានអំពាវនាវឱ្យប្រទេសអ៊ីរ៉ង់ បញ្ឈប់សកម្មភាពទាំងនេះ សហការជាមួយទីភ្នាក់ងារ IAEA និងគោរពការប្តេជ្ញាចិត្តរបស់ខ្លួន ក្នុងការធានាឱ្យមានដំណោះស្រាយផ្នែកការទូត ចំពោះវិបត្តិនុយក្លេអ៊ែរ។

យោងតាមទីភ្នាក់ងារ IAEA បាននិយាយឲ្យដឹងថា បច្ចុប្បន្នប្រទេសអ៊ីរ៉ង់ កំពុងចម្រាញ់សារធាតុអ៊ុយរ៉ានីញ៉ូម រហូតដល់ទៅ ៦០% ដែលមានជិត ៩០% នៃកម្រិតផលិតសព្វាវុធ ហើយមានសម្ភារៈគ្រប់គ្រាន់ ដែលត្រូវបានចម្រាញ់ដល់កម្រិតនោះ ប្រសិនបើត្រូវបានចម្រាញ់បន្ថែមទៀត សម្រាប់សព្វាវុធនុយក្លេអ៊ែរចំនួនបីគ្រាប់ ។