​អាមេរិក៖ អតីត​ប្រធានាធិបតី Donald Trump បាន​វាយប្រហារ​លោក Joe Biden ចំពោះ​ការ​ដោះ​ស្រាយ​ការ​ដក​កងទ័ព​អាមេរិក​ចេញពី​អា​ហ្វ​ហ្គា​នី​ស្ថាន​។ លោក Trump បាន​ប្រាប់​អ្នក​សម្របសម្រួល​កម្មវិធី​លោក Sean Hannity របស់​ទូរទស្សន៍ Fox News កាលពី​ថ្ងៃ​អង្គា​រថា​ “ខ្ញុំ​មិនដែល​គិត​ថា ​ប៉ុន្មាន​ឆ្នាំ​មកនេះ​ប្រទេស​របស់​យើង​ធ្លាប់​ត្រូវ​បាន​រង​ការ​អាម៉ាស់​បែបនេះ​នោះ​ទេ​”។

​នៅ​ពេល​ដែល​លោក Biden បាន​ប្រកាស​ថា​ លោក​នឹង​ប្រកាន់ខ្ជាប់​នូវ​ផែនការ​របស់​លោក Trump ក្នុង​ការ​ដក​កងទ័ព​អាមេរិក​ចេញពី​អា​ហ្វ​ហ្គា​នី​ស្ថាន ប្រតិកម្ម​ចម្រុះ​គ្នា​ពី​គណបក្ស​សាធារណរដ្ឋ​ត្រូវ​បាន​ផ្ទុះឡើង ហើយ​ភាគច្រើន​បាន​ស្ងប់ស្ងាត់​ទៅវិញ​។ ប៉ុន្តែ​ការ​ដួល​រលំ​នៃ​រដ្ឋាភិបាល​អា​ហ្វ​ហ្គា​នី​ស្ថាន​ និង​ការ​វិល​ត្រឡប់​មកកាន់​អំណាច​ជាថ្មី​យ៉ាង​ឆាប់រហ័ស​របស់​ក្រុម​តា​លី​បង់ យ៉ាង​ហោច​ណាស់​សម្រាប់​ពេលនេះបាន​ធ្វើ​ឲ្យ​ក្រុម​សាធារណរដ្ឋ រួមគ្នា​រិះគន់​លោក Biden​។

​គូប្រជែង​រយៈពេល​ជា​យូរ​មក​ហើយ​នៃ​ការ​ដក​កងទ័ព​ បាន​នាំមក​នូវ​ការ​ស្ដីបន្ទោស​កាលពី​ថ្ងៃ​ចន្ទ​ថា ​ប្រធានាធិបតី​គួរតែ​បាន​ឃើញ​ហើយ​ថា​ គ្រោះ​មហន្តរាយ​កំពុង​មកដល់​។ សូម្បីតែ​អ្នក​ដែល​អបអរ​ការ​សម្រេច​ចិត្ត​របស់​លោក ​ក្នុង​ការ​ដក​កងទ័ព​ចេញ​បែរជា​ងាក​មក​រិះ​គន់​ថា​ ជា​ការ​គិត​ខុស​យ៉ាង​ធ្ងន់​ធ្ងរ ហើយក្នុង​នោះ​រួមបញ្ចូល​ទាំង​លោក Biden ខ្លួនឯង​ផង​ដែរ​។ លោក Trump បាន​ប្រកាស​ថា ​“គ្មាន​នរណា​ម្នាក់​ធ្លាប់​ដោះស្រាយ​រឿង​ការ​ដក​ទ័ព​អាក្រក់​ជាង​លោក Joe Biden ឡើយ​”។ ខ្ញុំ​ជឿ​ថា​ នេះ​គឺជា​ភាព​អាម៉ាស់​បំផុត​នៅ​ក្នុង​ប្រវត្តិសាស្ត្រ ​នៃ​ប្រទេស​របស់​យើង​៕

អត្ថបទ៖ សុខមាន