ការផ្គត់ផ្គង់គ្រាប់កាំភ្លើងធំពីលោកខាងលិច ដែលមានការយឺតយ៉ាវ ដោយសារជម្លោះនយោបាយជាច្រើនខែនៅក្នុងទីក្រុងវ៉ាស៊ីនតោន មុនពេលត្រូវបានបញ្ជូនមក បានចាប់ផ្តើមទៅដល់អង្គភាពអ៊ុយក្រែន នៅជួរមុខ ដោយបន្ធូរបន្ថយសម្ពាធលើកងកម្លាំងដែលរុស្ស៊ីមានកងទ័ពច្រើនជាង។

នៅពេលអ្នកយកព័ត៌មានរ៉យទ័រ បានទៅមើលអង្គភាពកាំភ្លើងធំមួយ នៅក្នុងតំបន់ Donetskជាការផ្តោតទៅលើការរុលចូលទៅមុខយឺតៗរបស់កងទ័ពរុស្ស៊ីនៅតាមបណ្តោយផ្នែកខាងមុខ ១.000 គីឡូម៉ែត្រ         ( ៦០០ម៉ាយ) អង្គភាពនេះ បានបាញ់កាំភ្លើងផ្តោង M-109 តាមតម្រូវការរបស់ខ្លួន។

កាលពីមុន ទាហានបាននិយាយថា ពួកគេត្រូវបានបង្ខំឲ្យកំណត់ការប្រើប្រាស់គ្រាប់ ១៥៥ មីល្លិម៉ែត្រ ប្រឆាំងនឹងសត្រូវ ដោយធ្វើឲ្យប៉ះពាល់ដល់សមត្ថភាពរបស់ពួកគេ ក្នុងការគាំទ្រថ្មើរជើងទៅមុខបន្ថែម    ទៀត។

មេបញ្ជាការអង្គភាព លោក Vasyl អាយុ ៤៦ឆ្នាំ បាននិយាយថា៖«មានការខ្វះខាតគ្រាប់កាំភ្លើងធំ។ គ្រាប់រំសេវ ត្រូវបានបែងចែកយ៉ាងហ្មត់ចត់បំផុត។ វាមានផលប៉ះពាល់ដល់ថ្មើរជើង។ ពួកគេ (ជនជាតិរុស្ស៊ី) បានចេញមកពីគ្រប់ទិសទី វាធ្វើឲ្យទាហានថ្មើរជើងឈឺចាប់»។ «ឥឡូវនេះ មិនខ្វះខាត «គ្រាប់រំសេវទៀតទេ ហើយយើងអាចដំណើរការបានយ៉ាងល្អ។