អាហ្វហ្គានីស្ថាន៖ មូលនិធិរូបិយវត្ថុអន្តរជាតិ (IMF) បាននិយាយថា ប្រទេសអាហ្វហ្គានីស្ថាននឹងលែងមានលទ្ធភាពទទួលបានធនធាន ពីអង្គការផ្ដល់ប្រាក់កម្ចីនេះទៀតហើយ។ បញ្ហានេះកើតឡើង បន្ទាប់ពីក្រុមតាលីបង់បានកាន់កាប់ប្រទេសនេះកាលពីចុងសប្តាហ៍មុន។
អ្នកនាំពាក្យរបស់មូលនិធិរូបិយវត្ថុអន្តរជាតិបាននិយាយថា ការបង្កកនេះដោយសារតែ “ខ្វះភាពច្បាស់លាស់នៅក្នុងសហគមន៍អន្តរជាតិ” ជុំវិញការទទួលស្គាល់រដ្ឋាភិបាលនៅក្នុងប្រទេសអាហ្វហ្គានីស្ថាន។ ធនធានជាង ៣៧០លានដុល្លារ (២៦៨លានផោន) ពី IMF ត្រូវបានកំណត់ថានឹងទៅដល់នៅថ្ងៃទី ២៣ ខែសីហា។ មូលនិធិទាំងនេះគឺជាផ្នែកមួយនៃការឆ្លើយតបរបស់ IMF សកលចំពោះវិបត្តិសេដ្ឋកិច្ច។
លទ្ធភាពទទួលបានធនបម្រុងអន្តរជាតិរបស់ IMF ដែលអាចបង្វែរទៅជាប្រាក់គាំទ្រដោយរដ្ឋាភិបាលក៏ត្រូវផ្អឹបទុកផងដែរ។ ធនបម្រុងនៅក្នុងគណនេយ្យពិសេសរបស់ IMF នេះគឺជាអង្គភាពអត្រាប្តូរប្រាក់របស់ IMF ដោយផ្អែកលើប្រាក់ផោន អឺរ៉ូ យ៉េន និងប្រាក់យ័ន៕
អត្ថបទ៖ សុខមាន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
