អ្នកសារព័ត៌មាន AFP បាននិយាយថា ស្ថាបនិកគេហទំព័រ WikiLeaks លោក ជូលៀន អាស្សាញ(Julian Assange) បានផ្តល់ចម្លើយពីភាពមានទោស នៅក្នុងតុលាការសហរដ្ឋអាមេរិក នៅប្រជុំកោះសៃផាន(Saipan) កាលពីថ្ងៃពុធ ទី២៦ មិថុនា នៅក្នុងការជជែកការពារក្តីដែលនឹងធ្វើឱ្យលោកមានសេរីភាពបន្ទាប់ពីមានរឿងក្តីផ្លូវច្បាប់ជាច្រើនឆ្នាំ។

បុរសវ័យ ៥២ ឆ្នាំរូបនេះ បានសារភាពចំពោះរឿងរ៉ាវនៃការសមគំនិតដើម្បីទទួលបាន និងផ្សព្វផ្សាយព័ត៌មានការពារជាតិ នៅក្នុងបន្ទប់សវនាការ នៅ ដែនដីប៉ាស៊ីហ្វិកសហរដ្ឋអាមេរិក។

លោក Assange បាននិយាយថាមានកំហុសចំពោះព័ត៌មាន ដែលក្រោយមកនិយាយលេងសើចទៅកាន់ចៅក្រម ក្នុងអំឡុងពេលដំណើរការថា តើលោកពេញចិត្តឬយ៉ាងណា គឺអាស្រ័យលើលទ្ធផលនៃសវនាការ។

លោក Assange ត្រូវបានទីក្រុងវ៉ាស៊ីនតោន តាមចាប់ខ្លួនជាយូរមកហើយ សម្រាប់ការបញ្ចេញឯកសារសម្ងាត់រាប់រយពាន់របស់សហរដ្ឋអាមេរិក ពីឆ្នាំ ២០១០ ខណៈជាប្រធានគេហទំព័រ WikiLeaks។

លោកត្រូវបានដោះលែង កាលពីថ្ងៃច័ន្ទពីពន្ធនាគារមានសន្តិសុខខ្ពស់នៅចក្រភពអង់គ្លេស ជាកន្លែងដែលលោកត្រូវបានឃុំឃាំងអស់រយៈពេលប្រាំឆ្នាំ ខណៈលោកប្រឆាំងទៅនឹងការធ្វើបត្យាប័នទៅសហរដ្ឋអាមេរិក។

ភរិយារបស់លោក Assange អ្នកស្រី Stella បាននិយាយថា លោកនឹងក្លាយជា មនុស្សមានសេរីភាព ដោយបានអរគុណដល់អ្នកគាំទ្រដែលបានធ្វើយុទ្ធនាការសម្រាប់ការដោះលែងលោក។