ភ្នំពេញ៖ ដោយពិនិត្យឃើញថា ស្ថានភាពនៃការឆ្លងរាលដាលនៃជំងឺកូវីដ-១៩ ក្នុងសហគមន៍ នៅតាមបណ្ដារាជ ធានី-ខេត្តនីមួយៗ មានលក្ខណៈខុសគ្នា ហេតុនេះរាជរដ្ឋាភិបាល​សម្រេច​បិទ​​បញ្ចប់ការអនុវត្ត«យុទ្ធនា ការពង្រឹងវិធានការប្រយុទ្ធ និងទប់ស្កាត់ការឆ្លងរាល​ដាលនៃ​ជំងឺ​កូវីដ-១៩»នៅទូទាំងប្រទេស តាមកា លបរិច្ឆេទកំណត់នៅថ្ងៃទី២០ ខែសីហា ឆ្នាំ២០២១។ នេះបើតាមសេចក្ដីណែនាំរបស់រាជរដ្ឋាភិបាល កម្ពុជា ចេញនៅថ្ងៃទី១៩ ខែសីហា ឆ្នាំ២០២១។

យ៉ាងនេះក្ដី ក៏សេចក្ដីណែនាំដដែលបានស្នើដល់គ្រប់អាជ្ញាធររាជធានី-ខេត្តទាំងអស់ ត្រូវបន្ត​អនុវត្ត​​ការ រឹតបន្តឹងវិធានសុខាភិបាល វិធានការរដ្ឋបាល និងវិធានការច្បាប់ ដោយផ្អែកតាមស​ភាព​ការ​ណ៍វិវត្តជាក់ ស្ដែងនៃជំងឺនេះជាដដែល។

កន្លងមក ដើម្បីបង្កើនប្រសិទ្ធភាពនៃការអនុវត្តវិធានការប្រយុទ្ធ និងទប់ស្កាត់ការឆ្លងរាលដាល​នៃជំងឺ កូវីដ-១៩ ជាពិសេសក្នុងបរិបទដែលកម្ពុជាកំពុងប្រឈម​នឹងការឆ្លងរាលដាលទ្រង់​ទ្រាយធំ​នៃជំងឺ កូវីដ-១៩ ប្រភេទ Delta រាជរដ្ឋាភិបាលកម្ពុជាបានសម្រេចដាក់ចេញ និងបន្ត​អនុ​វត្តនូវ«​យុទ្ធនាការពង្រឹងវិធា នការប្រយុទ្ធ និងទប់ស្កាត់ការឆ្លងរាលដាលនៃជំងឺកូវីដ-១៩» នៅ​ទូ​ទាំង​ប្រទេសរយៈពេល ២១ ថ្ងៃ គឺ ចាប់ពីថ្ងៃទី២៩ ខែកក្កដា ដល់ថ្ងៃទី១៩ ខែសីហា ឆ្នាំ២០២១ ដោយ​បាន​ដាក់ចេញនូវវិធានការចាំបាច់ មួយចំនួនដែលត្រូវអនុវត្តជាបន្ទាន់ព្រម​ៗពេល​ជាមួ​យ​​​គ្នា​នៅទូ​ទាំងប្រទេស​ក្នុងយុទ្ធនាការនេះ សំដៅ ការពារសុខភាព និងអាយុជីវិតរបស់​ប្រជាពល​រដ្ឋ៕​ដោយ៖ គង់ ឌិន