មន្ត្រីអង្គការសហប្រជាជាតិពីរនាក់ បាននិយាយកាលពីថ្ងៃអង្គារថា មន្ត្រីជាន់ខ្ពស់របស់UN បានព្រមាន   អ៊ីស្រាអែលថា ពួកគេនឹងផ្អាកប្រតិបត្តិការជំនួយរបស់អង្គការពិភពលោក នៅទូទាំងតំបន់ហ្កាហ្សា ប្រសិនបើអ៊ីស្រាអែល មិនធ្វើសកម្មភាពជាបន្ទាន់ ដើម្បីការពារបុគ្គលិកមនុស្សធម៌ ឲ្យបានល្អប្រសើរឡើងទេនោះ ។ ឱសានវាទ គឺជាជំហានចុងក្រោយបង្អស់របស់អង្គការសហប្រជាជាតិ ដែលទាមទារឲ្យអ៊ីស្រាអែល        ធ្វើបន្ថែមទៀត ដើម្បីការពារប្រតិបត្តិការជំនួយពីការវាយប្រហារដោយកងកម្លាំងរបស់ខ្លួន និងដើម្បី        ទប់ស្កាត់ភាពគ្មានច្បាប់ទម្លាប់ដែលកំពុងកើន ដែលរារាំងបុគ្គលិកមនុស្សធម៌។

មន្ត្រីបាននិយាយថា លិខិតរបស់អង្គការសហប្រជាជាតិដែលបានផ្ញើទៅមន្ត្រីអ៊ីស្រាអែលក្នុងខែនេះ បានបញ្ជាក់ថា អ៊ីស្រាអែល ត្រូវតែផ្តល់ឲ្យបុគ្គលិកអង្គការសហប្រជាជាតិនូវផ្លូវមួយ ដើម្បីទំនាក់ទំនងដោយផ្ទាល់ជាមួយកងកម្លាំងអ៊ីស្រាអែលនៅតំបន់ហ្កាហ្សា ក្នុងចំណោមជំហានផ្សេងៗទៀត។ ពួកគេ បាននិយាយក្នុងលក្ខខណ្ឌមិនបញ្ចេញឈ្មោះ ដើម្បីពិភាក្សាអំពីការចរចា ដែលកំពុងបន្តជាមួយមន្ត្រីអ៊ីស្រា      អែល។

មន្ត្រីអង្គការសហប្រជាជាតិ បាននិយាយថា មិនមានការសម្រេចចិត្តចុងក្រោយស្តីពីការផ្អាកប្រតិបត្តិការនៅទូទាំងតំបន់ហ្កាហ្សានោះទេ ហើយថា ការពិភាក្សាជាមួយអ៊ីស្រាអែល កំពុងបន្ត។

អ្នកនាំពាក្យរបស់UN លោក Stéphane Dujarric បានប្រាប់អ្នកយកព័ត៌មាននៅទីក្រុងញូវយ៉កថា អ្នកសម្របសម្រួលផ្នែកមនុស្សធម៌របស់អង្គការសហប្រជាជាតិ លោក Muhannad Hadi បានសរសេរលិខិតទៅកាន់យោធាអ៊ីស្រាអែល កាលពីថ្ងៃទី ១៧ ខែមិថុនា ហើយអគ្គលេខាធិការរងរបស់អង្គការសហប្រជាជាតិទទួលបន្ទុកសន្តិសុខនិងសុវត្ថិភាព លោក Gilles Michaud បាននិយាយជាមួយមន្ត្រីយោធាអ៊ីស្រា   អែល កាលពីថ្ងៃចន្ទ។