នៅថ្ងៃទី២៨ ខែមិថុនា ឆ្នាំ២០២៤ គឺជាថ្ងៃខួបអនុស្សាវរីយ៍លើកទី៧៣ ថ្ងៃបង្កើត​គណបក្ស​ប្រជាជន​កម្ពុជា ខណៈបណ្តាប្រជាពលរដ្ឋខ្មែរ និងភ្ញៀវបរទេសបានថ្លែងថានៅប្រទេសកម្ពុជា គឺ​មានតែគណបក្សប្រជាជនកម្ពុជាទេដែលមានសមត្ថភាពខ្ពស់ និងចាស់ទុំ​ផ្នែក​នយោបាយ​ជំរុញ​ការ​អភិវឌ្ឍ​ប្រទេសជាតិ មានការរីកចម្រើន ពិសេសគឺការធនាបាននូវសន្តិភាពយូរអង្វែង។

តាមរយៈការមានភាពចាស់ទុំផ្នែកខាងនយោបាយនេះ និង​ការធានា​និរន្តភាព​សុខសន្តិភាព​ប្រទេស​ជាតិ​ជាដើ​មនេះបណ្តាពលរដ្ឋ និងភ្ញៀវបរទេសនានា​បាន​ថ្លែង​ស្នើ​ឲ្យ​បណ្តា​ពលរដ្ឋ​ខ្មែរ​ត្រូវ​រួម​គ្នា សាមគ្គីគ្នា ជំរុញគាំទ្រគណបក្សប្រជាជនកម្ពុជា ដើម្បីឲ្យថ្នាក់​ដឹកនាំ​គណបក្ស​មួយ​នេះ​បន្ត​ដឹកនាំ​ប្រទេសជាតិ បន្តការរីកចម្រើនបន្ថែមទៀត ខណៈបច្ចុប្បន្ន គេសង្កេតឃើញថា នៅរាជ​ធានី​ភ្នំពេញ មានសំណង់អាគារខ្ពស់ៗ តាមខេត្តគឺមានប្រព័ន្ធផ្លូវជាតិ ផ្លូវខេត្ត ផ្លូវល្បឿន​លឿន​ល្អ​ប្រសើរ តាមខេត្តមានការអភិវឌ្ឍ បរិស្ថានស្អាត និងមានភាពទាក់ទាញ់ទេសចរទស្សនាជាដើម ជំ​រុញ​សេដ្ឋកិច្ចជាតិងើបឡើងលឿន។

បើតាមភ្ញៀវបរទេសជនជាតិបារាំងដែលបានស្នាក់នៅធ្វើការងារនៅកម្ពុជា ប្រមាណ​ជាង​២០​ឆ្នាំ​មក​នោះ បានថ្លែងថា ប្រសិនបើរូបលោកជាពលរដ្ឋខ្មែរ គឺលោកនឹងបោះឆ្នោត​ជូន​គណបក្ស​ប្រជាជន​កម្ពុជា ដោយសារគណបក្សមួយនេះជានិច្ចកាលធ្វើប្រទេសរីកចម្រើនជាលំដាប់ ហើយ​តាម​រយៈ​ខួបលើកទី៧៣ឆ្នាំ ថ្ងៃបង្កើតគណបក្សប្រជាជនកម្ពុជា ២៨ មិថុនានេះ ភ្ញៀវបរទេស​រូប​នេះ បានអំពាវនាវពលរដ្ឋខ្មែររួមគ្នាគាំទ្រគណបក្សប្រជាជនកម្ពុជា ហើយមាន​តែ​គណបក្ស​មួយ​នេះ​ទេ មានយន្តការល្អបំផុតធ្វើឲ្យកម្ពុជារីកចម្រើនបាន។

សូមបញ្ជាក់ថា គណបក្សប្រជាជនកម្ពុជា ដែលជាគណបក្សនយោបាយដ៏ចំណាស់មួយនៅកម្ពុជា និង​ជា​គណបក្សនយោបាយដែលជាបង្អែកដ៏រឹងមាំជាតិ និងប្រជាជន​ក្នុង​រយៈ​ពេល​ជាង​៤៥​ឆ្នាំ​មកនេះ៕​ អត្ថបទ ស៊ុម សុខជា