អធិការបតីអាល្លឺម៉ង់ អូឡាហ្វ សូល (Olaf Scholz) បាននិយាយថា អង្គការណាតូ មិនមិនជាផ្នែកមួយនៃជម្លោះ នៅអ៊ុយក្រែននោះទេ។

លោក សូល បាននិយាយនៅឯសភាអាល្លឺម៉ង់ទាក់ទងនឹងកិច្ចប្រជុំកំពូលសហភាពអឺរ៉ុប និងអង្គការណាតូដែលគ្រោងធ្វើឡើង នៅថ្ងៃទី២៧-២៧ ខែមិថុនា និងថ្ងៃទី៩-១១ ខែកក្កដា ថា៖«កិច្ចប្រជុំកំពូលណាតូ នឹងពិភាក្សាអំពីការពង្រឹងតួនាទីរបស់ខ្លួន ក្នុងការសម្របសម្រួលការគាំទ្រសម្រាប់អ៊ុយក្រែន និងការបណ្តុះបណ្តាល [កងកម្លាំងប្រដាប់អាវុធអ៊ុយក្រែន]»។

លោក បាននិយាយថា វាពិតជាជាក់ស្តែងក្នុងពេលដំណាលគ្នា ហើយខ្ញុំយល់ថា កិច្ចប្រជុំទាំងនេះ មានសារៈសំខាន់ ក្នុងការបញ្ជាក់ថា ដោយសារតែអ្វីដែលយើងកំពុងធ្វើនោះ អង្គការណាតូ នឹងមិនជាផ្នែកមួយនៃជម្លោះនោះទេ។ យើងនឹងមិនឆ្លងកាត់ខ្សែបន្ទាត់ជម្លោះនេះទេ ហើយយើងក៏មិនឆ្លងកាត់វាដែរ»។

លោកអធិការបតី បានអះអាងថា អង្គការណាតូ កំពុងយកចិត្តទុកដាក់យ៉ាងខ្លាំង លើបញ្ហានេះ។

លោក សូល បាននិយាយថា៖«សន្តិសុខឆ្លងកាត់មហាសមុទ្រអាត្លង់ទិក មានសារៈសំខាន់ជាចម្បង រួមទាំងពេលដែលយើងគិតអំពីការរំពឹងទុកសន្តិសុខរបស់អ៊ុយក្រែន»។

កិច្ចប្រជុំកំពូលណាតូលើកក្រោយនេះ នឹងធ្វើឡើង នៅរដ្ឋធានីសហរដ្ឋអាមេរិក នៅថ្ងៃទី ៩-១១ ខែកក្កដា ដោយមន្ត្រីអាមេរិក បាននិយាយម្តងហើយម្តងទៀតថា ទីក្រុងគីវ នឹងមិនទទួលបានការអញ្ជើញឲ្យចូលរួមសម្ព័ន្ធភាពយោធាអាត្លង់ទិកខាងជើង នៅឯកិច្ចប្រជុំកំពូល នៅទីក្រុងវ៉ាស៊ីនតោននោះទេ។