នៅថ្ងៃសុក្រនេះ មេដឹកនាំកំពូលអ៊ីរ៉ង់លោក Ayatollah Ali Khamenei បានបោះឆ្នោតនៅពេលចាប់ផ្តើមការបោះឆ្នោតជ្រើសរើសប្រធានាធិបតីថ្មីក្នុងប្រទេសរបស់លោក ។

ពលរដ្ឋអ៊ីរ៉ង់ ចាប់ផ្តើមបោះឆ្នោតនៅថ្ងៃសុក្រនេះ ដើម្បីជ្រើសរើសប្រធានាធិបតីថ្មី បន្ទាប់ពីការស្លាប់របស់លោក Ebrahim Raisi នៅក្នុងឧបទ្ទេវហេតុគ្រោះថ្នាក់ធ្លាក់ឧទ្ធម្ភាគចក្រ ស្របពេលមានការមិនសប្បាយចិត្តកើនឡើងរបស់សាធារណជន ។

ស្របពេលការបោះឆ្នោតទំនងជាគ្មានការផ្លាស់ប្តូរចំពោះគោលនយោបាយសាធារណរដ្ឋអ៊ីស្លាមអ៊ីរ៉ង់ លទ្ធផលអាចមានឥទ្ធិពលលើភាពជោគជ័យរបស់លោក Ayatollah Ali Khamenei គឺជាមេដឹកនាំកំពូលអ៊ីរ៉ង់វ័យ ៨៥ឆ្នាំ ដែលបានឡើងកាន់អំណាច ចាប់តាំងពីឆ្នាំ ១៩៨៩មកម្ល៉េះ ។

លោក Khamenei បានអំពាវនាវឲ្យពលរដ្ឋអ៊ីរ៉ង់មកបោះឆ្នោតឲ្យបានច្រើន ដើម្បីដោះស្រាយវិបត្តិនិតិបញ្ញតិ្តបង្កឡើងដោយសារការមិនសប្បាយចិត្តរបស់សាធារណជន ចំពោះការវិបត្តិសេដ្ឋកិច្ច និងការទប់ស្កាត់សេរីភាពនយោបាយ និងសង្គម ។

ការបោះឆ្នោតនេះដែរ បានកើតមានឡើង ស្របពេលភាពតានតឹងកើនឡើងក្នុងតំបន់ ដោយសារសង្រ្គាមរវាងអ៊ីស្រាអែល និងសម្ព័ន្ធមិត្តហាម៉ាស់របស់អ៊ីរ៉ង់នៅតំបន់ហ្កាហ្សា និងសម្ព័ន្ធមិត្តហេសប៊ូឡា នៅប្រទេសលីបង់ ក៏ដូចជាសំពាធកើនឡើងរបស់លោកខាងលិចលើអ៊ីរ៉ង់ ជុំវិញកម្មវិធីនុយក្លេអ៊ែរដ៏ជឿនលឿនរបស់ពួកគេ ៕