នៅតំបន់ Yakutia ស្ថិតនៅភាគឦសានប្រទេសរុស្ស៊ី ក្រុមអ្នកវិទ្យាសាស្រ្ត បានធ្វើកោសល្យវិច័្ចយខ្មោចចចកអាយុកាល ៤៤.០០០ឆ្នាំ ។

រកឃើញដោយចៃដន្យដោយក្រុមអ្នកស្រុកនៅស្រុក Abyyskiy តំបន់ Yakutia កាលពីឆ្នាំ ២០២១ ខ្មោចចចកទើបឥឡូវត្រូវបានពិនិត្យឲ្យបានត្រឹមត្រូវដោយក្រុមអ្នកវិទ្យាសាស្រ្ត ។

លោក Albert Protopopov គឺជាប្រធានផ្នែកសិក្សាសត្វម៉ាំម៉ុតនៅមណ្ឌិតសភាវិទ្យាសាស្រ្ត Yakutia និយាយថា នេះគឺជារបកគំហើញលើកដំបូងរបស់ពិភពលោកនៃមំសាសីនាយុគសម័យទឹកកក ។

លោកថា វាមានអាយុកាលប្រហែល ៤៤.០០០ឆ្នាំ ហើយពួកយើងពុំធ្លាប់ដែលរកឃើញបែបនេះ កាលពីមុននោះទេ ។

ស្ថិតនៅចន្លោះមហាសមុទ្រអាក់ទិក និងតំបន់អាក់ទិកភាគខាងកើតរបស់រុស្ស៊ី តំបន់ Yakutia គឺជាតំបន់ធំល្វឹងល្វើយមួយនៃវាលល្បាប់ និងព្រៃឈើ មានទំហំប៉ុនរដ្ឋ Texas របស់សហរដ្ឋអាមេរិក ក្នុងនោះ ៩៥ភាគរយ គ្រប់ដណ្តប់ដោយតំបន់កក ៕