វីដេអូដែលថតដោយយានដ្រូន នៅតំបន់ Maricopa County រដ្ឋអារីហ្ស៊ូ (Arizona) កាលពីថ្ងៃសុក្រ (ថ្ងៃទី ២៨ ខែមិថុនា) បានបង្ហាញពីវាលដែលឆេះ និងផ្សែងនៅតែហុយចេញពីចំណុចក្តៅ បន្ទាប់ពីភ្លើងចំហេះព្រៃ បានជំរុញឲ្យមានការជម្លៀសមនុស្សចេញ។

អគ្គិភ័យដែលគេហៅថា Boulder View ដែលត្រូវបានជំរុញឲ្យឆេះកាន់តែខ្លាំងឡើង ដោយខ្យល់បក់ខ្លាំង និងលក្ខខណ្ឌស្ងួត បានឆេះដាលដាលលើផ្ទៃដី ៣២០០ ហិចតា នៅជិតទីក្រុង Sedona ។

អគ្គិភ័យនេះ បានចាប់ផ្តើមឆេះ នៅម៉ោង ២:៣០ រសៀលម៉ោងក្នុងស្រុក (២១:៣០ ម៉ោងសកល) នៅថ្ងៃព្រហស្បតិ៍ (ទី២៧ ខែមិថុនា) ហើយ មិនត្រូវបានគ្រប់គ្រងឡើយ កាលពីថ្ងៃសុក្រ។ នេះបើយោងតាមនាយកដ្ឋានគ្រប់គ្រងព្រៃឈើ និងអគ្គិភ័យរដ្ឋអារីហ្ស៊ូណា។

សមត្ថកិច្ច បាននិយាយថា អគ្គិភ័យនេះ ត្រូវបានគេសន្និដ្ឋានថា បានបណ្តាលមកពីមនុស្ស ហើយកំពុងស្ថិតក្រោមការស៊ើបអង្កេត។