ការព្យាករសីតុណ្ហភាពសម្រាប់ទិវាបុណ្យឯករាជ្យ ឬត្រូវបានគេស្គាល់ថាជាថ្ងៃឈប់សម្រាកទី០៤ ខែកក្កដា នៅក្នុងសហរដ្ឋអាមេរិក បានឱ្យដឹងថា ផ្នែកភាគច្រើននៃប្រទេសនឹងជួបប្រទះកម្ដៅដ៏ក្ដៅគគុក។

សីតុណ្ហភាពបំបែកកំណត់ត្រាជាច្រើនត្រូវបានគេរំពឹងថានឹងកើតឡើង នៅពេលដែលអាកាសធាតុខ្ពស់នៅក្នុងរដ្ឋកាលីហ្វ័រនីញ៉ា (California) ត្រូវបានគេព្យាករណ៍ថានឹងស្ថិតនៅក្នុងតួលេខបីខ្ទង់ (អង្សាហ្វារិនហៃ ពោលគឺលើស ៣៧អង្សាសេ) នៅក្នុងអំឡុងពេលថ្ងៃបុណ្យឯករាជ្យ និងលើសពីនេះ ហើយអាកាសធាតុក្តៅសើមនៅភាគខាងត្បូងនឹងធ្វើឱ្យកន្លែងមួយចំនួនដូចជាទីក្រុង ញូវ អលៀនស៍ (New Orleans) មានអារម្មណ៍ក្ដៅជិតដល់ ៤៩អង្សាសេ។

រដ្ឋកាលីហ្វ័រនីញ៉ា ជាពិសេសទីក្រុងនានានៅជ្រលង សាន ហ័រគីន (San Joaquin) ត្រូវបានគេរំពឹងថានឹងមើលឃើញសីតុណ្ហភាពកើនឡើងលើសពីកម្រិត ៤៣អង្សាសេ សម្រាប់រយៈពេលជាច្រើនថ្ងៃក្នុងសប្តាហ៍នេះ។ នៅក្រុង ផម ស្ព្រីងស៍ (Palm Springs) សីតុណ្ហភាពអាចឡើងជាង ៤៦អង្សាសេ ហើយសីតុណ្ហភាពស្រដៀងគ្នាត្រូវបានរំពឹងទុកសម្រាប់រដ្ឋជិតខាង អារីហ្សូណា (Arizona) និង ណេវ៉ាដា (Nevada) ផងដែរ។

ទាំងក្រុង ឡាស វ៉េហ្កាស (Las Vegas) និងក្រុង ហ្វីនីច (Phoenix) សីតុណ្ហភាពត្រូវបានព្យាករថានឹងឡើងដល់ជាង ៤៦អង្សាសេ នៅជុំវិញថ្ងៃឈប់សម្រាកនោះ។ កត្តានៅក្នុងសន្ទស្សន៍កម្ដៅ រដ្ឋភាគខាងត្បូងរបស់ប្រទេសត្រូវបានគេព្យាករណ៍ថានឹងស៊ូទ្រាំនឹងអាកាសធាតុក្តៅ និងស្អិតរហូតដល់សប្តាហ៍នេះ។ ការណែនាំអំពីកម្ដៅក៏នៅតែមានប្រសិទ្ធភាពសម្រាប់តំបន់ភាគខាងកើតផងដែរ៕