ក្រុមប្រឹក្សារធម្មនុញ្ញរដ្ឋធានី Atlanta (AJC) បានអំពាវនាវឲ្យលោកប្រធានាធិបតី បៃដិន បញ្ចប់ការកិច្ចប្រឹងប្រែងបោះឆ្នោតឡើងវិញរបស់ខ្លួន បន្ទាប់ពី «ការធ្វើមិនបានល្អរបស់ខ្លួន» នៅឯការជជែកដេញដោលអំពីការបោះឆ្នោតនៅឆ្នាំ ២០២៤នេះ កាលពីយប់ថ្ងៃព្រហស្បតិ៍។

នៅក្នុងអត្ថបទមួយដែលបានចុះផ្សាយតាមអ៊ីនធឺណិត កាលពីល្ងាចថ្ងៃសៅរ៍ ក្រុមប្រឹក្សានេះ បាននិយាយថា គណបក្សប្រជាធិបតេយ្យដែលកំពុងកាន់អំណាច គួរតែដើរចេញ «ដើម្បីភាពល្អរបស់ប្រទេសជាតិដែលលោកបានបម្រើយ៉ាងគួរឲ្យសរសើរ អស់រយៈពេលកន្លះសតវត្សរ៍មកហើយនោះ»។

ក្រុមប្រឹក្សានេះ បានសរសេរថា៖ «បេក្ខភាពរបស់លោក បៃដិន មានមូលដ្ឋាននៅក្នុងអំណាចរបស់ខ្លួន និងជំនឿរបស់ក្រុមមេដឹកនាំគណបក្សប្រជាធិបតេយ្យ និងអ្នកបោះឆ្នោតថា លោកមានឱកាសដ៏ល្អបំផុត ក្នុងការយកឈ្នះលោក ត្រាំ (Trump) នៅក្នុងខែវិច្ឆិកា។ នោះមិនមែនជាករណីនេះទៀតទេ។ ការពិតនោះប្រហែលជាពិបាកទទួលយកសម្រាប់បុរសម្នាក់ ដែលជីវិតផ្ទាល់ខ្លួន និងនយោបាយ ត្រូវបានកំណត់ដោយភាពមាំមួនរបស់ខ្លួននោះ ប៉ុន្តែនេះ គឺជាការពិត»។

ក្រុមប្រឹក្សាដដែល បានសរសើរ«ភាពក្លាហាន និងសេចក្តីថ្លៃថ្នូរ ដែលបានកំណត់អាជីពនយោបាយរបស់ លោក បៃដិន ប៉ុន្តែបានបន្ថែមថា លោក បៃ គួរតែចាកចេញពីមុខសាធារណៈ ប្រសើរជាងអ្វីដែលគាត់បានស៊ូទ្រាំរហូតដល់ការជជែកដេញដោលចប់ កាលពីយប់ថ្ងៃព្រហស្បតិ៍នោះ។

អត្ថបទដែលបានចុះផ្សាយនេះ កើតឡើង ចំពេលមានការព្រួយបារម្ភកាន់តែខ្លាំងឡើងក្នុងចំណោមគណបក្សប្រជាធិបតេយ្យអំពីលោក បៃដិន បន្ទាប់ពីការធ្វើមិនបានល្អគាត់ ក្នុងអំឡុងពេលការជជែកដេញដោលប្រធានាធិបតីលើកដំបូងប្រឆាំងនឹងអតីតប្រធានាធិបតី លោក ត្រាំ កាលពីថ្ងៃព្រហស្បតិ៍នោះ។