ភ្លៀងធ្លាក់ខ្លាំងតាមទីក្រុងជាច្រើននៅទូទាំងប្រទេសឥណ្ឌា បណ្តាលឲ្យមានទឹកជំនន់ធ្ងន់ធ្ងរ ជំរុញឲ្យប្រជាពលរដ្ឋមួយចំនួន ងាកមកធ្វើដំណើរតាមទូកនៅតាមតំបន់ជន់លិចរបស់ពួកគេ ។

ពលរដ្ឋរស់នៅទីក្រុងភាគខាងជើង Moradabad រង់ចាំដោយអត់ធ្មត់ ពេលទូកធ្វើដំណើរយឺតៗឆ្លងកាត់ផ្ទះរងការជន់លិចរបស់ពួកគេ ។

ខណៈពេលនោះដែរ ប្រជាពលរដ្ឋរស់នៅរដ្ឋភាគខាងលិច Gujarat បានដើរលុកទឹកត្រឹមជង្គង់នៅតាមផ្លូវ ដើម្បីទៅបំពេញការងារប្រចាំថ្ងៃរបស់ពួកគេ ។

នៅក្នុងរដ្ឋធានីញូវ ដែល្លី ចំនួនមនុស្សស្លាប់ដោយសារភ្លៀងធ្លាក់ដ៏គំហក់កាលពីសប្តាហ៍មុន បានកើនឡើងដល់ ១១នាក់ រួមទាំងក្មេងៗ ៤នាក់ផងដែរ ដែលបានលង់ទឹកស្លាប់នៅតាមផ្លូវក្រោមដីដែលរងការជន់លិច ។

ប្រជាពលរដ្ឋរស់នៅក្នុងទីក្រុងដែល្លី ដែលទើបរងគ្រោះដោយសាររលកកម្តៅដ៏អាក្រក់បំផុតនៅក្នុងប្រវត្តិសាស្រ្ត កាលពីដើមខែនេះ ឥឡូវបានប្រឈមគ្រោះទឹកជំនន់ធ្ងន់ធ្ងរ ពេលដែលមានភ្លៀងធ្លាក់ខ្លាំងបំណែកកំណត់ត្រា ត្រឹមរយៈពេល ២៤ម៉ោងប៉ុណ្ណោះ ពោលគឺជាកម្រិតទឹកភ្លៀងធ្លាក់ច្រើនជាងកម្រិតទឹកភ្លៀងមធ្យមពេញមួយខែមិថុនា ៕