អ្នកជំនាញផ្នែកគ្រឿងផ្ទុះរបស់អ៊ីរ៉ាក់ បានបំផ្ទុះគ្រាប់បែកចំនួន ៦គ្រាប់ ដែលគេជឿថា ត្រូវបានដាក់បង្កៃ ដោយក្រុមសកម្មប្រយុទ្ធរដ្ឋឥស្លាម (IS) កាលពីឆ្នាំមុននៅក្នុងវិហារឥស្លាមប្រវត្តិសាស្ត្រ al-Nuri នៅទីក្រុង Mosul ។

លោកឧត្តមសេនីយ៍ Ahmed Saber មកពីនគរបាលក្រុង Mosul បានប្រាប់សារព័ត៌មានស៊ីនហួថា៖«ពួកវាទាំងអស់ ជាគ្រាប់បែកផលិតនៅក្នុងស្រុក ដែលត្រូវបានដាក់បង្កៃតាមរបៀបមួយដ៏ស្មុកស្មាញ ប៉ុន្តែអ្នកជំនាញការផ្ទុះ បានកម្ទេចពួកវាចោល ដោយមិនបង្កឲ្យមានគ្រោះថ្នាក់ឡើយ»។

លោកបាននិយាយថា ទីតាំងនេះឥឡូវ បានត្រៀមខ្លួនរួចរាល់ហើយ ដើម្បីបន្តការងារជួសជុលឡើងវិញដែលធ្វើឡើងដោយអង្គការអប់រំ វិទ្យាសាស្ត្រ និងវប្បធម៌របស់អង្គការសហប្រជាជាតិ (UNESCO) ដែលត្រូវបានបញ្ឈប់ បន្ទាប់ពីការរាយការណ៍ថា បានរកឃើញគ្រាប់បែក នៅតាមជញ្ជាំងភាគខាងត្បូងនៃសាលអធិស្ឋានរបស់វិហារឥស្លាម មួយថ្ងៃមុននេះ។

ក្រុម IS បានបំផ្ទុះវិហារឥស្លាម al-Nuri និងទីបញ្ចុះសពដ៏ល្បីល្បាញរបស់ខ្លួន កាលពីថ្ងៃទី ២១ ខែមិថុនា ឆ្នាំ ២០១៧ ដោយគ្រាប់បែកដែលគេដាក់បង្កៃ។