ព្យុះសង្ឃរា ប៊ើរៀល (Beryl) បានបោកបក់ឆ្ពោះទៅប្រទេសកោះហ្សាម៉ាអ៊ីក (Jamaica)កាលពីថ្ងៃអង្គារសប្ដាហ៍នេះ បន្ទាប់ពីបានសម្លាប់មនុស្សយ៉ាងហោចណាស់ ៦ នាក់ និងបណ្តាលឱ្យមានការបំផ្លិចបំផ្លាញយ៉ាងធ្ងន់ធ្ងរនៅទូទាំងភាគអាគ្នេយ៍តំបន់សមុទ្រការ៉ាប៊ីន ដោយរងការគំរាមកំហែងពីខ្យល់បក់បោកខ្លាំង និងព្យុះកំណាចដែលកំពុងខិតជិតមកដល់។

ក្រុមអ្នកព្យាករណ៍បាននិយាយថា ព្យុះសង្ឃរាដ៏ខ្លាំងក្លាដែលជាព្យុះដ៏កម្របានចូលមកដល់យ៉ាងឆាប់រហ័សនៅដើមរដូវកាលនេះ បានចុះខ្សោយកម្លាំងបន្តិចកាលពីថ្ងៃអង្គារសប្ដាហ៍នេះដែរ ប៉ុន្តែនៅតែជាព្យុះប្រភេទទី ៤ ដែលមានគ្រោះថ្នាក់ខ្លាំង ហើយគេរំពឹងថា នឹងឆ្លងកាត់ជិតឬរំលង ប្រទេសហ្សាម៉ាអ៊ីកនៅថ្ងៃពុធនេះ ខណៈប្រទេសកោះមួយនេះកំពុងត្រៀមជើងការទប់ទល់នឹងព្យុះសង្ឈរានេះ។

ព្យុះមានឈ្មោះថា ប៊ើរៀល គឺជាព្យុះទី ១ ចាប់តាំងពីកំណត់ត្រារបស់មជ្ឈមណ្ឌលព្យុះសង្ឃរាជាតិអាមេរិកបានចាប់ផ្តើមឈានដល់កម្រិត ទី៤ កាលពីខែមិថុនា ហើយជាព្យុះដំបូងបំផុតដែលឈានដល់កម្រិតទី ៥ ក្នុងខែកក្កដានេះ។

យោងតាមមជ្ឈមណ្ឌលព្យុះសង្ឃរាជាតិអាមេរិក បានឱ្យដឹងថា ការព្រមានអំពីព្យុះសង្ឃរាមួយបានកើតឡើងសម្រាប់ប្រទេសកោះនេះ ដែលបាននិយាយថា ភ្លៀង និងទឹកជំនន់ដ៏គំហុក នឹងត្រូវបានរំពឹងទុក បន្ថែមពីលើខ្យល់ព្យុះ និងព្យុះដែលគំរាមកំហែងដល់អាយុជីវិត ។

នៅទូទាំងប្រទេសហ្សាម៉ាអ៊ីក ការត្រៀមឆ្លើយតបគ្រាអាសន្នកំពុងដំណើរការ រួមទាំងជម្រកស្តុកទុកលើការផ្គត់ផ្គង់ មនុស្សដែលជម្លៀសចេញពីផ្ទះសម្បែងរបស់ពួកគេ និងទូកដែលត្រូវបានទាញចេញពីទឹកជាដើម៕