​អាហ្វហ្គានីស្ថាន៖ តំណាង​ជាន់ខ្ពស់​តា​លី​បង់​កាលពី​ថ្ងៃអាទិត្យ​ បាន​ស្តី​បន្ទោស​សហរដ្ឋ​អាមេ​រិក​ចំពោះ​ស្ថានការណ៍​វឹកវរ​នៅ​អាកាសយានដ្ឋាន​រដ្ឋធានី​កា​ប៊ុល ទោះបីជា​ជនបរទេស និង​ជនជាតិ​អា​ហ្វ​ហ្គា​នី​ស្ថាន​រាប់​ពាន់​នាក់​បាន​បន្ត​សម្រុក​ចូល​តំបន់​នោះ​ ដោយ​សង្ឃឹម​ថា​នឹង​បាន​ឡើង​ជើង​ហោះហើរ​ជម្លៀស​ខ្លួន​ចេញ​ក៏ដោយ​។​

​អ្នកនាំពាក្យ​តា​លី​បង់​លោក Mohammad Naeem កាល​ល​ពី​ថ្ងៃ​សៅរ៍​បាន​ស្តី​បន្ទោស​សហរដ្ឋ​អាមេរិក ​ចំពោះ​ការ​ស្លាប់​របស់​ពលរដ្ឋ​អា​ហ្វ​ហ្គា​នី​ស្ថាន​នៅ​អាកាសយានដ្ឋាន​កា​ប៊ុល​។​ សារព័ត៌មាន AFP បាន​ដកស្រង់​សម្ដី​មេដឹកនាំ​តា​លី​បង់ Amir Khan Mutaqi ដោយ​និយាយ​ថា អាមេរិកបាន​បរាជ័យ​ក្នុងការ​បញ្ជា​ឱ្យ​ទៅ​ដល់​អាកាសយានដ្ឋាន​។ ​មាន​សន្តិភាព ​និង​ភាព​ស្ងប់​ស្ងាត់​នៅ​ទូទាំង​ប្រទេស ​ប៉ុន្តែ​មាន​ភាព​ច្របូក​ច្របល់​នៅ​អាកាសយានដ្ឋាន​កា​ប៊ុល​តែប៉ុណ្ណោះ​។​ លោក Muttaqi គឺជា​រដ្ឋមន្ត្រី​អប់រំ​ជាន់ខ្ពស់ ​នៅ​ពេល​ដែល​ពួក​តា​លី​បង់​បាន​គ្រប់គ្រង​ប្រទេស​ចុងក្រោយ​។ លោក​បាន​ទាក់ទង​ជាមួយ​ថ្នាក់ដឹកនាំ​រដ្ឋធានី​កា​ប៊ុល​ និង​អតីត​ប្រធានាធិបតី Hamid Karzai បន្ទាប់ពី​ពួក​តា​លី​បង់​បាន​កាន់កាប់​អា​ហ្វ​ហ្គា​នី​ស្ថាន​។

​

​អស់​រយៈពេល​មួយ​សប្តាហ៍​មកនេះ អាកាសយានដ្ឋាន​ទីក្រុង​កា​ប៊ុល​បាន​មើល​ឃើញ ​នូវ​ឈុត​ឆាក​អស់សង្ឃឹម​ដែល​ជន​ស៊ីវិល​អា​ហ្វ​ហ្គា​នី​ស្ថាន និង​ជនបរទេស​មួយ​ចំនួន​ធំកំពុង​ហែល​ឆ្លង​ភាព​អស់សង្ឃឹម ​ដើម្បី​ភៀសខ្លួន​ចេញពី​ប្រទេស​នេះ​។​ សហរដ្ឋ​អាមេរិក​បញ្ជា​ឲ្យ​យន្តហោះ​ដឹកជញ្ជូន​ស៊ីវិល​ចូលរួម​ការ​ជម្លៀស ដែល​មន្ទីរ​និយាយ​ថាយន្តហោះ​ចំនួន ​១៨​គ្រឿង​នឹង​ដឹកជញ្ជូន​​មនុស្ស​ទៅកាន់​ប្រទេស​ទី​៣ ពី​កន្លែង​មាន​សុវត្ថិភាព​នានា​នៅ​ខាងក្រៅ​ប្រទេស​អា​ហ្វ​ហ្គា​នី​ស្ថាន​៕

អត្ថបទ៖ សុខមាន