កូរ៉េខាងត្បូង៖ សហរដ្ឋអាមេរិក និងកូរ៉េខាងត្បូងចង់ធ្វើឱ្យកូរ៉េខាងជើងវិលត្រឡប់ មករកការពិភាក្សាអំពីការរំសាយអាវុធនុយក្លេអ៊ែរ។ កាលពីថ្ងៃចន្ទ ប្រេសិតពិសេសរបស់ទីក្រុងវ៉ាស៊ីនតោនទទួលបន្ទុកបញ្ហាកូរ៉េខាងជើង លោក Sung Kim បានជួបជាមួយសមភាគីនៅទីក្រុងសេអ៊ូល ប្រទេសកូរ៉េខាងត្បូង។
ដំណើរទស្សនកិច្ចរបស់លោកធ្វើឡើង ស្របពេលមានការប្រឈមមុខដាក់គ្នាថ្មីមួយ ជុំវិញការធ្វើសមយុទ្ធយោធារួមគ្នាប្រចាំឆ្នាំរបស់ទីក្រុងវ៉ាស៊ីនតោន និងទីក្រុងសេអ៊ូល ដែលក្រុងព្យុងយ៉ាងបានព្រមានថាអាចបង្កឱ្យមានវិបត្តិសន្តិសុខ។ កូរ៉េខាងជើងមើលឃើញថា សមយុទ្ធទាំងនេះគឺជាការហាត់សមសម្រាប់ធ្វើសង្គ្រាមប្រឆាំងនឹងខ្លួន ប៉ុន្តែលោក Kim បានព្យាយាមសម្រាលភាពតានតឹងនោះ។ លោកថា សហរដ្ឋអាមេរិកពុំមានបំណងបង្កអរិភាពចំពោះកូរ៉េខាងជើងទេ ការធ្វើសមយុទ្ធយោធារួមគ្នារវាងអាមេរិក-កូរ៉េខាងត្បូងគឺមានលក្ខណៈយូរអង្វែង ជាទម្លាប់ និងមានបែបផែនការពារខ្លួនសុទ្ធសាធ និងគាំទ្រដល់សន្តិសុខរបស់ប្រទេសទាំងពីរ។
លោកក៏បានជំរុញឱ្យទីក្រុងព្យុងយ៉ាងត្រឡប់ចូលមកតុចរចាផងដែរ។ លោក Sung Kim ថ្លែងថា ខ្ញុំនៅតែបន្តត្រៀមខ្លួនដើម្បីជួបជាមួយសមភាគីកូរ៉េខាងជើងរបស់ខ្ញុំ នៅទីណាក៏បាន ពេលណាក៏បាន។ ផ្អែកលើសារៈសំខាន់នៃសម្ព័ន្ធភាពអាមេរិក-កូរ៉េខាងត្បូង ខ្ញុំមិនអាចយកបញ្ហានេះល្អជាងប្រធានាធិបតី Biden។ លោកបានហៅការប្ដេជ្ញាចិត្តរបស់អាមេរិកចំពោះការការពារកូរ៉េខាងត្បូងថា ជារឿងមិនបំពេញមិនបាន៕
អត្ថបទ៖ សុខមាន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
