ការរំពឹងទុកនៃសង្គ្រាមទ្រង់ទ្រាយធំរវាងអ៊ីស្រាអែល និងកងជីវពលហេសបូឡា ដ៏មានឥទ្ធិពល នៅក្នុងប្រទេសលីបង់ បានធ្វើឲ្យភាពតានតឹងកើនឡើង និងបានគូសបញ្ជាក់យ៉ាងខ្លីអំពីអំណាចនៃអាវុធនុយ     ក្លេអ៊ែរដែលមិនបានប្រកាសរបស់អ៊ីស្រាអែល។

អ៊ីស្រាអែល គឺជាប្រទេសមួយក្នុងចំណោមប្រទេសមួយចំនួនរបស់ពិភពលោក ដែលប្រដាប់ដោយអាវុធនុយក្លេអ៊ែ និងមធ្យោបាយជាច្រើន ដើម្បីបញ្ជូនពួកវា ដែលជាសមត្ថភាពមួយ ដែលត្រូវបានបញ្ជាក់ដោយ មន្ត្រីអ៊ីស្រាអែល កាលពីពេលថ្មីៗនេះ ជាមួយនឹងក្រុមហ៊ុនផលិតយន្តហោះនាំមុខគេដែលគ្រប់គ្រងដោយ រដ្ឋាភិបាល។

លោក Yair Katz ប្រធានក្រុមប្រឹក្សាកម្មករឧស្សាហកម្មអវកាសអ៊ីស្រាអែល បាននិយាយកាលពីថ្ងៃសៅរ៍ថា ប្រសិនបើយើងយល់ថា មានគ្រោះថ្នាក់ដែលអាចកើតមាននៅទីនេះ ហើយថា អ៊ីរ៉ង់ យេម៉ែន ស៊ីរី អ៊ីរ៉ាក់ និងប្រទេសទាំងអស់នៃមជ្ឈិមបូព៌ា សម្រេចថា វាដល់ពេលដែលត្រូវដោះស្រាយប្រឆាំងនឹងយើង ខ្ញុំយល់ថា យើងមានសមត្ថភាពប្រើប្រាស់សព្វាវុធប្រល័យលោក។

លោកបាននិយាយមួយថ្ងៃបន្ទាប់ពីបេសកកម្មរបស់អ៊ីរ៉ង់ប្រចាំនៅអង្គការសហប្រជាជាតិ បានព្រមានថា     «សង្គ្រាមនឹងកើតឡើង» ប្រសិនបើអ៊ីស្រាអែលធ្វើ«ការឈ្លានពានផ្នែកយោធាពេញទំហឹង » ប្រឆាំងនឹងក្រុមហេសបូឡា ដែលគាំទ្រដោយអ៊ីរ៉ង់នៅក្នុងប្រទេសលីបង់។ ក៏បានប្រកាសថា នៅក្នុងស្ថានភាពនេះ «ជម្រើសទាំងអស់» ត្រូវលើកយកមកពិភាក្សា រួមទាំង «ការចូលរួមពេញលេញនៃរណសិរ្សតស៊ូទាំងអស់» ដែលជាការនិយាយយោងយ៉ាងច្បាស់ចំពោះកងជីវពលរបស់អ៊ីរ៉ង់ នៅក្នុងប្រទេសអ៊ីរ៉ាក់ ស៊ីរី យេម៉ែន និងប្រទេសផ្សេងទៀត ដែលលោក Katz បានលើកឡើងជាពិសេសនោះ»។