ការប្រកាសដាក់រដ្ឋក្នុងគ្រាអាសន្ននៅតែបន្តមានក្នុងសាធារណរដ្ឋ Sakha Yakutia ស្ថិតនៅតំបន់ភាគខាងកើតរុស្ស៊ី ស្របពេលដែលភ្លើងឆេះព្រៃ បន្តឆាបឆេះដីព្រៃទ្រង់ទ្រាយធំ នៅតាមតំបន់ជាច្រើន ។ 

យោងតាមព័ត៌មានចេញដោយក្រសួងសង្រ្គោះបន្ទាន់នៅដែនដី Sakha Yakutia បានឲ្យដឹងថា ភ្លើងឆេះព្រៃប្រហែល ១២៣កន្លែង កំពុងឆាបឆេះលើផ្ទៃដីព្រៃជាង ៣០ម៉ឺនហិចតា ។ 

អ្នកស្រី Ksenia Rakhmatulina គឺជាអ្នកនាំពាក្យសេវាកម្មសង្រ្គោះបន្ទាន់ក្នុងតំបន់ និយាយថា ក្រុមភ្នាក់ងារពន្លត់អគ្គិភ័យរាប់រយនាក់ ត្រូវបានដាក់ពង្រាយដើម្បីពន្លត់ភ្លើងឆេះព្រៃ ប៉ុន្តែពួកគេអាចពន្លត់ភ្លើងឆេះព្រៃត្រឹមតែ ១១កន្លែងប៉ុណ្ណោះ ក្នុងរយៈពេល ២៤ម៉ោងកន្លងមកនេះ ។ 

ការដាក់រដ្ឋសហព័ន្ធនៅក្នុងគ្រាអាសន្នដោយសារការគំរាមកំហែងពីភ្លើងឆេះព្រៃ ត្រូវបានប្រកាសនៅសាធារណរដ្ឋ Sakha Yakutia ក៏ដូចជាតំបន់ដាច់ស្រយាល Tuva នៅស៊ីបេរី ៕