ទីភ្នាក់ងារមនុស្សធម៌ដ៏សំខាន់របស់អារ៉ាប៊ីសាអូឌីត និយាយថា ការបិទច្រករបស់អ៊ីស្រាអែលនៅទីក្រុង Rafah និងចក្រឆ្លងកាត់ផ្សេងទៀតចូលក្នុងតំបន់ហ្កាហ្សា បានរារាំងដល់កិច្ចខិតខំផ្តល់ជំនួយរបស់ពួកគេ ។ 

លោក Abdullah al Rabeeah គឺជាប្រធានទីភ្នាក់ងារជំនួយ និងការសង្រ្គោះមនុស្សធម៌ព្រះមហាក្សត្រ Salman គ្រប់គ្រងដោយរដ្ឋ និយាយថា រថយន្តរាប់រយគ្រឿង កំពុងរង់ចាំនៅទីក្រុង Rafah ដោយសារតែការបិទច្រក ។ 

លោក Rabeeah ដែលទីភ្នាក់ងាររបស់លោកផ្តល់ជំនួយ ៦ពាន់លានដុល្លារនៅទូទូទាំងពិភពលោកក្នុងរយៈពេលប៉ុន្មានឆ្នាំកន្លងមកនេះ និយាយថា ស្បៀងអាហារនៅលើរថយន្តរាប់រយគ្រឿង កំពុងរង់ចាំចូលតំបន់ហ្កាហ្សា និងទំនិញស្តុកក្នុងឃ្លាំង អាចនឹងជិតផុតកំណត់ ដោយសារតែការបិទច្រកឆ្លងកាត់ ចាប់តាំងពីថ្ងៃទី ៧ ខែឧសភារហូតមក ពេលដែលអ៊ីស្រាអែល បង្កើនការវាយប្រហាររបស់ពួកគេ ។ 

ក្រុមមន្រ្តីអង្គការសហប្រជាជាតិ និយាយថា ស្បៀងអាហារ និងឱសថសម្រាប់ជនប៉ាឡេស្ទីននៅតំបន់ហ្កាហ្សា បានស្តុកទុកនៅក្នុងប្រទេសអេហ្ស៊ីប ខណៈការផ្គត់ផ្គង់បណ្តោះអាសន្ន បច្ចុប្បន្នត្រូវបានបញ្ជូនឆ្លងកាត់ប្រទេសហ្សកដានី និងតំបន់វ៉េសប៊ែង ចូលទៅកាន់ច្រកឆ្លងកាត់ Kerem Shalom របស់តំបន់ហ្កាហ្សា ៕