ឯកអគ្គរដ្ឋទូតរុស្ស៊ីប្រចាំប្រទេសសំប៊ី លោក Azim Yarakhmedov បាននិយាយកាលពីថ្ងៃព្រហស្បតិ៍ថា ប្រទេសសំប៊ី ចាប់អារម្មណ៍លើការផ្គត់ផ្គង់ប្រេងឥន្ធនៈរបស់រុស្ស៊ី ហើយថែមទាំងស្នើដល់ក្រុមហ៊ុនរុស្ស៊ីឲ្យ ធ្វើកិច្ចសហប្រតិបត្តិការក្នុងវិស័យកសិកម្មផងដែរ។ 

ឯកអគ្គរដ្ឋទូតរូបនេះ បាននិយាយថា៖«[ភាគីសំប៊ី] ចាប់អារម្មណ៍លើបញ្ហាថាមពល បញ្ហាការផ្គត់ផ្គង់ប្រេងឥន្ធនៈ ជាពិសេសប្រេងម៉ាស៊ូត [ពីប្រទេសរុស្ស៊ី]»។

លោក Yarakhmedov ក៏បានកត់សម្គាល់ថា ប្រទេសសំប៊ី ពិតជាចាប់អារម្មណ៍យ៉ាងខ្លាំង ក្នុងការទាក់ទាញអាជីវកម្ម និងការវិនិយោគរបស់រុស្ស៊ី។ លើសពីនេះទៀត ប្រទេសនេះ បានត្រៀមខ្លួនរួចជាស្រេចក្នុងការផ្តល់ជូនពាណិជ្ជកររុស្ស៊ីនូវជំនួយចាំបាច់ក្នុងក្របខ័ណ្ឌនៃកិច្ចសហប្រតិបត្តិការក្នុងវិស័យកសិកម្ម។ ដូច្នេះ យោងតាមអ្នកការទូតរូបនេះ ប្រទេសសំប៊ីអាចផ្តល់ «ដីរហូតដល់ ១០០.០០០ -២០០.០០០    ហិកតា ដល់ក្រុមហ៊ុនរុស្ស៊ី ប្រសិនបើពួកគេចង់ធ្វើការនៅទីនេះ និងដាំអ្វីមួយដែលមិនលូតលាស់នៅក្នុងប្រទេសរុស្ស៊ី»។