អតីតប្រធានាធិបតីសហរដ្ឋអាមេរិក លោក ដូណាល់ ត្រាំ បានអបអរ​ចំពោះកា​រ​បោះឆ្នោត​ជ្រើស​រើស​អ្នក​ស្តាំនិយម លោក Nigel Farage នៅក្នុងសភារបស់ចក្រភពអង់គ្លេស កាលពីថ្ងៃសុក្រ ដោយ​បានព្រងើយកន្តើយចំពោះនាយករដ្ឋមន្ត្រីថ្មី លោក Keir Starmer ។

គណបក្សកំណែទម្រង់អង់គ្លេស ឬ Reform UK ប្រឆាំងការធ្វើអន្តោប្រវេសន៍របស់ លោក Farage​ របស់ចក្រភពអង់គ្លេស បានទទួលជ័យជម្នះក្នុងការបោះឆ្នោតច្រើនបំផុតទី៣ ប៉ុន្តែនៅ​ក្រោម​ប្រព័ន្ធ​បោះឆ្នោតរបស់ចក្រភពអង់គ្លេស គណបក្សនេះទទួលបានត្រឹមតែ៥អាសនៈប៉ុណ្ណោះ ខណៈ​គណបក្សការងាររបស់ លោក Starmer បានទទួលជ័យជម្នះភ្លូកទឹកភ្លូកដី។

លោក Trump បានសរសេរនៅលើវេទិកាបណ្តាញសង្គម Truth Social របស់លោកថា សូម​អបអរ​សាទរ លោក Nigel Farage ចំពោះជ័យជម្នះដ៏ធំធេងរបស់លោកនៃអសនៈសភា ក្នុង​ពេល​ជោគជ័យក្នុងការបោះឆ្នោតរបស់គណបក្ស Reform UK។ លោក Nigel គឺជាមនុស្សម្នាក់ ដែល​ស្រឡាញ់ប្រទេសរបស់លោកយ៉ាងពិតប្រាកដ!។

លោក Farage គឺជាសម្ព័ន្ធមិត្តយូរអង្វែងរបស់លោក Trump ដែលបានដាក់ឈ្មោះលោកថា «Mr Brexit» ហើយកាលពីពេលមុន បាននិយាយថា ប្រជានិយមអង់គ្លេសមួយនេះ ធ្វើការងារដ៏អស្ចារ្យ ក្នុង​នាមជាឯកអគ្គរដ្ឋទូតចក្រភពអង់គ្លេសប្រចាំនៅទីក្រុងវ៉ាស៊ីនតោន៕