សីតុណ្ហភាពខ្ពស់ ត្រូវបានគេរំពឹងថានឹងបន្តនៅក្នុងផ្នែកច្រើនរបស់ប្រទេសជប៉ុន នៅថ្ងៃ​សៅរ៍​នេះ​។  សីតុណ្ហភាពខ្ពស់៣៥ អង្សាសេ ឬខ្ពស់ជាងនេះ ត្រូវបានព្យាករណ៍សម្រាប់តំបន់ជាច្រើន ដោយ​សីតុណ្ហភាពត្រូវបានគេរំពឹងថា នឹងឡើងដល់៣៨អង្សារ នៅទីក្រុង Shizuoka ភាគ​កណ្តាល​ប្រទេសជប៉ុន។

ការព្រមានអំពីជំងឺសុរិយរោគ ត្រូវបានចេញសម្រាប់ខេត្តចំនួន២២ខេត្ត ចាប់ពីតំបន់ Kanto ដល់​ខេត្ត Okinawa ។

ទីភ្នាក់ងារ​ឧតុនិយម បាននិយាយថា ប្រព័ន្ធសម្ពាធខ្ពស់នៅក្នុងមហាសមុទ្រប៉ាស៊ីហ្វិក នឹង​បន្ត​គ្រប​​ដណ្តប់ផ្នែកនានានៅភាគខាងលិច និងភាគខាងកើត របស់ប្រទេស និងបង្កើនសីតុណ្ហភាព។

សីតុណ្ហភាពខ្ពស់នៅពេលថ្ងៃ ត្រូវបានគេរំពឹងថានឹងហក់ឡើងដល់៣៧អង្សាសេ នៅទីក្រុង Nakatsu ក្នុងខេត្ត Oita ហើយសីតុណ្ហភាពខ្ពស់៣៦អង្សាសេ ត្រូវបាន​រំពឹ​ង​ទុក​នៅ​ក្នុង​ទីក្រុង​ជាច្រើន។

ទីភ្នាក់ងារឧតុនិយម និងក្រសួងបរិស្ថាន បានចេញការព្រមានអំពីជំងឺសុរិយរោគ សម្រាប់​ខេត្ត​ចំនួន ២២ រួមមានទីក្រុងតូក្យូ ស៊ីហ្ស៊ូអូកា ហ៊ីរ៉ូស៊ីម៉ា ហ្វូគូអូកា និងខេត្តអូគីណាវ៉ា។

ប្រជាជន​ត្រូវបានណែនាំឲ្យឈប់ធ្វើលំហាត់ប្រាណ និងការចេញទៅក្រៅដែលមិនចាំបាច់ ហើយ​ត្រូវ​ប្រើប្រាស់ម៉ាស៊ីនត្រជាក់ឲ្យបានត្រឹមត្រូវនៅក្នុងលំនៅឋាន។