សហគមន៍សេដ្ឋកិច្ចនៃរដ្ឋអាហ្រ្វិកខាងលិច (ECOWAS) បាននិយាយកាលពីថ្ងៃអាទិត្យ ថា តំបន់នេះប្រឈមទៅនឹងការបែកបាក់ និងអសន្តិសុខកាន់តែអាក្រក់ឡើង បន្ទាប់ពីប្រទេសបួគីណាហ្វាសូ ប្រទេសម៉ាលី និងប្រទេសនីហ្សេ ដែលដឹកនាំដោយរបបយោធា បានបញ្ជាក់យ៉ាងច្បាស់ពីបំណងរបស់ពួកគេក្នុងការចាកចេញពីប្លុក ដោយការចុះហត្ថលេខាលើសន្ធិសញ្ញាសហព័ន្ធ។

សម្ព័ន្ធនៃសន្ធិសញ្ញារដ្ឋតំបន់ Sahel ដែលត្រូវបានចុះហត្ថលេខាកាលពីថ្ងៃសៅរ៍ បញ្ជាក់ពីការប្តេជ្ញាចិត្ត របស់ប្រទេសទាំងបី ក្នុងការបង្វែរការគាំទ្ររបស់ពួកគេចំពោះសហគមន៍សេដ្ឋកិច្ចនៃរដ្ឋអាហ្រ្វិកខាងលិច (ECOWAS) ដែលមានសមាជិក១៥ប្រទេស ជំរុញឱ្យពួកគេត្រលប់ទៅរកការគ្រប់គ្រងតាមបែបលទ្ធិប្រជាធិបតេយ្យ វិញ។

ប្រធានគណៈកម្មការសហគមន៍សេដ្ឋកិច្ចនៃរដ្ឋអាហ្រ្វិកខាងលិច (ECOWAS) លោក Omar Touray បាននិយាយថា សេរីភាពនៃការធ្វើដំណើរ និងទីផ្សាររួមរបសើប្រជាជន៤០០លាននាក់ គឺមានអត្ថប្រយោជន៍ដ៏សំខាន់មួយចំនួននៃប្លុក ដែលមានអាយុកាលជិត៥០ឆ្នាំ ប៉ុន្តែទាំងនេះគឺស្ថិតនៅក្រោមការគំរាមកំហែង ប្រសិនបើប្រទេសទាំងបី ចាកចេញ។

លោក Touray បាននិយាយថា ការសម្រេចចិត្តលើកម្លាំងប្រចាំការក្នុងតំបន់ ដើម្បីប្រយុទ្ធប្រឆាំងអំពើភេរវកម្ម និងរូបិយប័ណ្ណក្នុងតំបន់ ក៏នឹងត្រូវធ្វើឡើងផងដែរ។