បុគ្គលិកក្រុមហ៊ុន សែមសុង អេឡិចត្រូនិចស៍ (Samsung Electronics) នៅក្នុងប្រទេសកូរ៉េខាងត្បូង បានចាប់ផ្តើមធ្វើកូដកម្មរយៈពេលបីថ្ងៃនៅថ្ងៃចន្ទ (០៨ កក្កដា) នេះ ទាមទារប្រាក់ឈ្នួលឱ្យកាន់តែប្រសើរ ដោយសហជីពរបស់ពួកគេបានគំរាមចាត់វិធានការបន្ថែមទៀតប្រឆាំងនឹងក្រុមហ៊ុនធំជាងគេរបស់ប្រទេសនេះ បើការទាមទារមិនត្រូវបានបំពេញ។

សហភាពក្រុមហ៊ុន Samsung អេឡិចត្រូនិចស៍ជាតិ (NSEU) ដែលសមាជិកប្រហែល ៣០.០០០ នាក់បង្កើតបានប្រហែល ២៤ ភាគរយនៃកម្លាំងពលកម្មរបស់កូរ៉េខាងត្បូងនោះ ក៏ចង់បានថ្ងៃឈប់សម្រាកប្រចាំឆ្នាំបន្ថែមសម្រាប់កម្មករសហជីពផងដែរ។

ក្រុមអ្នកវិភាគបាននិយាយថា ទោះជាយ៉ាងណាក៏ដោយ តួលេខមនុស្សការចូលរួមបាតុកម្មតិច និងការផលិតដោយស្វ័យប្រវត្តិមានន័យថា កូដកម្មនេះទំនងជាមិនមានផលប៉ះពាល់ខ្លាំងដល់ទិន្នផលនៅក្រុមហ៊ុនផលិតបន្ទះឈីបអង្គចងចាំដ៏ធំបំផុតរបស់ពិភពលោកមួយនេះទេ។

សហជីពបានធ្វើកូដកម្មឧស្សាហកម្មលើកដំបូងរបស់ខ្លួនកាលពីខែមុន ដោយមានការសម្របសម្រួលពីថ្ងៃឈប់សម្រាកប្រចាំឆ្នាំ ដើម្បីរៀបចំការតវ៉ាដ៏ធំប្រកបដោយប្រសិទ្ធភាព។ ក្រុមហ៊ុន Samsung បាននិយាយថា កូដកម្មនោះមិនមានផលប៉ះពាល់ដល់សកម្មភាពអាជីវកម្មទេ។ សហជីព ដែលមិនបានបង្ហាញពីតួលេខអ្នកចូលរួមកាលពីខែមុននោះ បាននិយាយថា កម្មករចំនួន ៦.៥៤០ កំពុងធ្វើកូដកម្មនៅសប្តាហ៍នេះ ដែលភាគច្រើននៅជាអ្នកធ្វើការនៅកន្លែងផលិតកម្ម និងការអភិវឌ្ឍន៍ផលិតផល៕