ជនអន្តោប្រវេសន៍អ៊ីស្រាអែលខុសច្បាប់នៅទឹកដីប៉ាឡេស្ទីន បានចាប់ផ្តើមសាងសង់ផ្លូវមួយ នៅភាគខាងលិចទីក្រុងបែសលេសហែម (Bethlehem) ក្នុងតំបន់តំបន់វេសបែងដែលកាន់កាប់អ៊ីស្រាអែល ខណៈដែលពួកគេ នៅតែបន្តដុតបំផ្លាញដំណាំរបស់ប្រជាជនប៉ាឡេស្ទីន ក្រោមការការពាររបស់កងទ័ពអ៊ីស្រា   អែល។

ទីភ្នាក់ងារព័ត៌មាន និងព័ត៌មានប៉ាឡេស្ទីន ដែលគេស្គាល់ផងដែរថា WAFA ជាទីភ្នាក់ងារព័ត៌មានរដ្ឋផ្លូវការរបស់អាជ្ញាធរជាតិប៉ាឡេស្ទីន បានរាយការណ៍ថា ជនអន្តោប្រវេសន៍ខុសច្បាប់ដែលមកពីអ៊ីស្រាអែល កំពុងសាងសង់ផ្លូវ នៅលើដីកម្មសិទ្ធិរបស់ប៉ាឡេស្ទីន នៅក្នុងភូមិ Husan ។ 

លោក Rami Hamamreh ប្រធានក្រុមប្រឹក្សាភូមិ Husan បានប្រាប់ទីភ្នាក់ងារសារព័ត៌មានថា ជនអន្តោប្រវេសន៍អ៊ីស្រាអែលខុសច្បាប់ ក៏បានចាប់ផ្តើមជីកដី នៅជិតដែនដីចំណុះ Sidi Bo'az ដែលជាកន្លែងដែលអ្នកតាំងលំនៅ បានសម្លាប់កសិករប៉ាឡេស្ទីនយ៉ាងច្រើន ចាប់តាំងពីឆ្នាំ ២០១៧មក។

បញ្ហាអ្នកតាំងលំនៅរបស់អ៊ីស្រាអែល នៅតំបន់វេសបែង ត្រូវបានគេចាត់ទុកថា ខុសច្បាប់ ក្រោមច្បាប់អន្តរជាតិ ដោយបំពានលើអនុសញ្ញាក្រុងហ្សឺណែវទី៤ ។ ការតាំងទីលំនៅទាំងនេះ នាំមានឲ្យការផ្លាស់ទីលំនៅរបស់សហគមន៍ប៉ាឡេស្ទីន ការដកហូតដីធ្លី និងជម្លោះជាញឹកញាប់។

វត្តមានរបស់អ្នកតាំងលំនៅធ្វើឲ្យស្មុកស្មាញដល់កិច្ចខិតខំប្រឹងប្រែងសន្តិភាព និងរួមចំណែកដល់វដ្តនៃអំពើហិង្សាដែលបង្កឡើងដោយជនជាតិអ៊ីស្រាអែល។ ការគាំទ្ររបស់រដ្ឋាភិបាលអ៊ីស្រាអែលសម្រាប់ការតាំងទីលំនៅ ធ្វើឲ្យភាពតានតឹងកាន់តែធ្ងន់ធ្ងរ និងធ្វើឲ្យប៉ះពាល់ដល់ការរំពឹងទុកសម្រាប់ដំណោះស្រាយរដ្ឋពីរ។