អធិការបតីអាល្លឺម៉ង់ លោក Olaf Scholz នៅថ្ងៃចន្ទ (ទី៨ ខែកក្កដា) នេះ បាននិយាយថា លោកបាន «ធូរស្រាល» ក្នុងចិត្ត ជុំវិញលទ្ធផលបោះឆ្នោតរបស់បារាំង ដែលគួរតែអាចឲ្យទីក្រុងប៊ែរឡាំងបន្តធ្វើការជាមួយទីក្រុងប៉ារីស ចំពោះនយោបាយម៉ូទ័រ នៅក្នុងសហភាពអឺរ៉ុប។

លោក Scholz បានប្រាប់អ្នកសារព័ត៌មានថា៖ «បញ្ហាប្រឈមដ៏ធំមួយនឹងកើតមាន ប្រសិនបើប្រធានាធិបតីបារាំង ត្រូវចូលក្នុងរដ្ឋាភិបាលចម្រុះជាមួយគណបក្សប្រជានិយម គឺក្រុមស្តាំជ្រុលនិយម»។

លោក បានបន្ថែមថា៖ «ឥឡូវនេះបញ្ហានោះត្រូវបានបញ្ចៀស ហើយឥឡូវនេះ យើងសង្ឃឹមថា ប្រធានាធិបតី ក៏ដូចជាតំណាងរាស្ត្រជាប់ឆ្នោត នឹងជោគជ័យ ក្នុងការបង្កើតរដ្ឋាភិបាលមួយប្រកបដោយផ្លែផ្កា»។

គួរបញ្ជាក់ថា គណបក្សជាតិនិយមជ្រុលរបស់លោកស្រី Marine Le Pen គឺគណបក្សរួបរួមជាតិ (RN) មិនអាចទទួលបានជ័យជម្នះឡើយ នៅក្នុងការបោះឆ្នោតមុនអាណត្តិ កាលពីថ្ងៃអាទិត្យ (ទី៧ ខែកក្កដា) ដូចដែលការស្ទង់មតិបានព្យាករ ដោយសម្ព័ន្ធភាពឆ្វេងនិយម ឈរទី១ យ៉ាងគួរឲ្យភ្ញាក់ផ្អើល នៅក្នុងសភា ដែលឥឡូវនេះ ត្រូវជាប់គាំង៕