ការបាញ់បង្ហោះយាន Ariane 6 របស់អឺរ៉ុប ត្រូវបានធ្វើឡើងដោយជោគជ័យ កាលពីថ្ងៃអង្គារ (ទី៩ ខែកក្កដា) នៅថ្ងៃហោះហើរដំបូងរបស់ខ្លួន។ ដោយមានទម្ងន់ ៥៤០តោន និងកម្ពស់ ៥៦ម៉ែត្រ រ៉ូក្កែតថ្មីបំផុតរបស់អឺរ៉ុបមួយនេះ បានចាកចេញពីកន្លែងបាញ់បង្ហោះ នៅទីក្រុង Kourou ដែនដី French Guiana របស់បារាំង នៅម៉ោងប្រហែល ៤រសៀល ម៉ោងក្នុងស្រុក (ត្រូវនឹងម៉ោង ១៩ ម៉ោងសកល) ជាការចាប់ផ្តើមនូវការហោះហើរជិត ៣ម៉ោង ដែលត្រូវបានរៀបចំឡើង ដើម្បីបញ្ចប់ការខកខានរយៈពេល ១ឆ្នាំ នៅក្នុងការចូលទៅកាន់លំហអាកាសរបស់អឺរ៉ុប។

ការពន្យាពេលការបង្ហាញខ្លួនដំបូង កើតមានឡើង ១ឆ្នាំបន្ទាប់ពីយានមុន ឈ្មោះ Ariane 5 ត្រូវបានដកចេញឈប់ដំណើរការ ដែលនាំឲ្យអឺរ៉ុបគ្មានផ្លូវខ្លួនឯងគ្រប់គ្រាន់ធ្វើដំណើរទៅកាន់គន្លងតារាវិថី សម្រាប់ផ្កាយរណបរបស់ខ្លួន បន្ទាប់ពីមានបញ្ហាពាក់ព័ន្ធនឹងការជ្រើសរើសអ៊ីតាលីដែលមានលក្ខណៈតូចជាង និងការកាត់ផ្តាច់ទំនាក់ទំនងជាមួយរុស្ស៊ី ជុំវិញបញ្ហាអ៊ុយក្រែន។

បណ្តាប្រទេស ESA (ទីភ្នាក់ងារអវកាសអឺរ៉ុប) នៅក្នុងឆ្នាំ២០១៤ បានព្រមព្រៀងគ្នាអភិវឌ្ឍយាន Ariane 6 ដើម្បីឆ្លើយតបទៅនឹងការប្រកួតប្រជែងដែលកំពុងកើនឡើង នៅក្នុងទីផ្សារបាញ់បង្ហោះពាណិជ្ជកម្ម ប៉ុន្តែវត្តមានរបស់យាននេះ ដែលដើមឡើយគ្រោងមាននៅឆ្នាំ២០២០ ត្រូវបានពន្យារពេលម្តងហើយម្តងទៀត។

គួរបញ្ជាក់ថា ជើងទម្របាញ់បង្ហោះនេះ ត្រូវបានបង្កើតឡើងដោយ ArianeGroup ដែលជាក្រុមហ៊ុនបណ្តាក់ទុនរួមគ្នា រវាងក្រុមហ៊ុន Airbus AIR.PA និង Safran SAF.PA ដើម្បីធ្វើឲ្យការប្រកួតប្រជែងកាន់តែប្រសើរជាមួយគូប្រជែងនានា ដូចជាក្រុមហ៊ុន SpaceX របស់លោក Elon Musk ជាដើម៕