ជនអន្តោប្រវេសន៍ចំនួន ៧នាក់ បានស្លាប់ និង១៩នាក់ផ្សេងទៀត ត្រូវបានជួយសង្គ្រោះ កាលពីថ្ងៃអង្គារ នៅពេលដែលទូករបស់ពួកគេ បានលិចនៅក្នុងសមុទ្រ Aegean នៃខេត្ត Izmir ភាគខាងលិចនៃប្រទេសទួរគី។

ឆ្មាំល្បាតឆ្នេរ បាននិយាយនៅក្នុងសេចក្តីថ្លែងការណ៍មួយថា ជនអន្តោប្រវេសន៍មិនទៀងទាត់ចំនួន ១៩ នាក់ ដែលជាប់ខ្លួននៅលើកោះ Karaada ត្រូវបានជួយសង្គ្រោះ ខណៈដែលមនុស្ស ៧នាក់ផ្សេងទៀត ត្រូវបានគេបញ្ជាក់ថា បានស្លាប់។

ឆ្មាំល្បាតឆ្នេនោះ បានបន្ថែមថា ក្រុមជួយសង្គ្រោះ រួមមានក្រុមអ្នកហែលទឹក ដែលគាំទ្រដោយឧទ្ធម្ភាគចក្រ នៅតែធ្វើការស្វែងរកអ្នកបាត់ខ្លួនម្នាក់។

គោលដៅរបស់ជនអន្តោប្រវេសន៍ទាំងនេះ មិនទាន់ច្បាស់លាស់ទេ។

សមុទ្រ Aegean គឺជាផ្លូវដ៏សំខាន់មួយសម្រាប់ជនអន្តោប្រវេសន៍ដែលព្យាយាមទៅដល់អឺរ៉ុបតាមរយៈ ប្រទេសទួរគី។

ស្ថិតិផ្លូវការដែលបានចេញផ្សាយកាលពីថ្ងៃអង្គារ បានបង្ហាញថា ចំនួនសរុបនៃជនអន្តោប្រវេសន៍ដែលត្រូវបានស្ទាក់ចាប់នៅឆ្នេរសមុទ្រទួរគី បានកើនឡើងដល់ ២៤.៣០៣នាក់ រហូតមកដល់ពេលនេះក្នុងឆ្នាំនេះ។

បន្ថែមពីលើនេះ អ្នករត់ពន្ធចំនួន ១៣៧ នាក់ ត្រូវបានឃាត់ខ្លួន ក្នុងអំឡុងពេលដូចគ្នា។