ស្ថានទូតនេះ បាននិយាយថា ឯកអគ្គរដ្ឋទូតរុស្ស៊ីប្រចាំនៅអ៊ីស្រាអែល លោក Anatoly Viktorov បានទទួលអ្នកស្រី Natalia Kharkina ហើយបានប្រាប់អ្នកស្រី ថា អ្នកការទូតរុស្ស៊ី នៅតែបន្តធ្វើការ ដើម្បីដោះលែងមនុស្សដូចជាកូនប្រុសរបស់លោក គឺពលរដ្ឋអ៊ីស្រាអែល Maxim Kharkin ដែលត្រូវបានចាប់ធ្វើជាចំណាប់ថ្នូរ នៅតំបន់ហ្កាហ្សា។

ស្ថានទូត បាននិយាយថា៖«លោក Viktorov បានសម្តែងការគាំទ្រដោយស្មោះចំពោះគ្រួសាររបស់អ្នកស្រី Kharkin ។ លោកធានាថា ថ្នាក់ដឹកនាំនៃក្រសួងការបរទេសរុស្ស៊ី និងអ្នកការទូតរុស្ស៊ី បន្តកិច្ចខិតខំប្រឹងប្រែងរបស់ពួកគេ ដោយសហការជាមួយភាគី ដែលពាក់ព័ន្ធទាំងអស់ នៅក្នុងតំបន់មជ្ឈិមបូព៌ា ដើម្បីផលប្រយោជន៍នៃការដោះលែងជាបន្ទាន់នូវមនុស្សទាំងអស់ដែលត្រូវបានចាប់ឃុំខ្លួន នៅលើទឹកដីនៃតំបន់ ហ្កាហ្សាស្ទ្រីប។ អ្នកស្រី Kharkina បានសម្តែងការដឹងគុណដល់ថ្នាក់ដឹកនាំ និងអ្នកការទូតរុស្ស៊ីចំពោះការខិតខំប្រឹងប្រែងជាប់លាប់របស់ពួកគេ ក្នុងការដោះស្រាយបញ្ហាមនុស្សធម៌នេះ»។

ភាពតានតឹងនៅក្នុងជម្លោះអ៊ីស្រាអែល និងប៉ាឡេស្ទីន បានកើនឡើងកាលពីថ្ងៃទី៧ ខែតុលា ឆ្នាំ ២០២៣ ដែលបណ្តាលឲ្យមនុស្សជាង ២៤០នាក់ ត្រូវចាប់ធ្វើជាចំណាប់ថ្នូរ នៅតំបន់ហ្កាហ្សា ខណៈដែលតំបន់នេះ ត្រូវបានហ៊ុមព័ទ្ធដោយការប្រយុទ្ធគ្នាពេញទំហឹង។ នៅចុងខែវិច្ឆិកា កិច្ចព្រមព្រៀងមួយ ត្រូវបានសម្រេចដើម្បីធ្វើការផ្អាកមនុស្សធម៌ ដែលមានរយៈពេលជាច្រើនថ្ងៃ។ ក្នុងអំឡុងពេលផ្អាក យោងទៅតាមអ៊ីស្រា   អែល ចំណាប់ថ្នូរ ១១០ នាក់ ត្រូវបានដោះលែង។ អ៊ីស្រាអែល ប៉ាន់ប្រមាណថា ចំណាប់ថ្នូរ ១២០ នាក់ នៅតែស្ថិតក្នុងតំបន់ហ្កាហ្សា។