នៅថ្ងៃពុធនេះ នាយករដ្ឋមន្រ្តីអង់គ្លេសលោក Keir Starmer និងអធិការបតីអាល្លឺម៉ង់លោក Olaf Scholz បានជួបគ្នានៅក្រៅកិច្ចប្រជុំកំពូលអង្គការណាតូរយៈពេល ៣ថ្ងៃក្នុងទីក្រុងវ៉ាស៊ីងតោន សហរដ្ឋអាមេរិក ។ 

ជំនួបកំពូលនេះដែលធ្វើជាម្ចាស់ផ្ទះដោយប្រធានាធិបតីសហរដ្ឋអាមេរិកលោក Joe Biden បានចាប់ផ្តើមកាលពីថ្ងៃអង្គារ ស្របពេលដែលអង្គការណាតូ ប្រារព្ធខួបលើកទី ៧៥របស់ខ្លួន ។ 

លោក Bidenវ័យ ៨១ឆ្នាំ មានពេលវេលាដ៏លំបាករយៈពេល ១២ថ្ងៃនៃការចោទសួរពីសមត្ថភាពរបស់លោកក្នុងការកាន់តំណែង ស្របពេលដែលក្រុមប្រជាធិបតេយ្យមួយចំនួននៅវិមានកាពីតូល និងក្រុមបរិច្ចាគយុទ្ធនាការ ព្រួយបារម្ភថា លោកនឹងចាញ់ការបោះឆ្នោតឆ្នាំ ២០២៤ ក្រោយឈប់ជជែកដេញដោលកាលពីថ្ងៃទី ២៧ ខែមិថុនា ។ 

ក្រុមមេដឹកនាំណាតូ ប្រឈមនឹងភាពពុំច្បាស់លាស់ផ្នែកនយោបាយនៅអឺរ៉ុប ក្នុងនោះក្រុមចម្រុះរបស់លោក Scholz បានទន់ខ្សោយ ក្រោយលទ្ធផលអន់នៅការបោះឆ្នោតសភាអឺរ៉ុប ។ 

ដោយឡែក សម្រាប់លោក Starmer ដែលជាជំនួបកំពូលណាតូលើកដំបូងរបស់ខ្លួននោះ នឹងមើលឃើញរូបលោកព្យាយាមលើកកម្ពស់ប្រវត្តិអង់គ្លេសលើឆាកអន្តរជាតិ ៕