នៅថ្ងៃព្រហស្បតិ៍នេះ ក្រុមហាម៉ាស់ បានបញ្ចេញរូបភាពវីដេអូឃ្លីប ពេលដែលក្រុមជីវពលរបស់ពួកគេវាយប្រហារគោលដៅគ្រឿងចក្រ និងទាហានអ៊ីស្រាអែល នៅសង្កាត់ Tel Al-Hawa ស្ថិតក្នុងតំបន់ហ្កាហ្សា ។ 

 នៅក្នុងវីដេអូឃ្លីបនេះ ឃើញរ៉ុក្កែតបាញ់ប្រហារគ្រឿងចក្ររបស់អ៊ីស្រាអែល នៅសង្កាត់ Tel Al-Hawa ។ 

 ទោះបីជាយ៉ាងណាក៏ដោយ ទីភ្នាក់ងារព័ត៌មានរ៉យទ័រ ពុំអាចបញ្ជាក់ផ្ទៀងផ្ទាត់បានឡើយទីតាំង ឬកាលបរិច្ឆេតរបស់វីដេអូ ។ 

 វីដេអូនេះ បានអះអាងផងដែរថា ក្រុមជីវពលហាម៉ាស់ បានវាយប្រហារលើក្រុមបាញ់ស៊ីបអ៊ីស្រាអែល ដែលគេមើលឃើញតាមបង្អួច ។ 

 ក្រុមជីវពលហាម៉ាស់ និយាយថា ការវាយប្រហារទ្រង់ទ្រាយធំរបស់អ៊ីស្រាអែលនៅទីក្រុងហ្កាហ្សាក្នុងសប្តាហ៍នេះ បានបំផ្លាញកិច្ចខិតខំបញ្ចប់សង្រ្គាម ស្របពេលដែលកិច្ចចរចា បានចាប់ផ្តើមឡើងវិញ នៅប្រទេសកាតា ៕