ថ្លែងទៅកាន់ភរិយា និងកូនស្រីនៅក្រៅផ្ទះរបស់ពួកគេក្នុងភូមិ ស្ថិតនៅកោះ Suwawa ប្រទេសឥណ្ឌូនេស៊ី លោក Ridwan Wadjah វ័យ ៥៥ឆ្នាំ គិតដល់អនាគតពុំច្បាស់លាស់របស់លោក ក្រោយរស់រានពីបំណាក់ដីនៅអណ្តូងរ៉ែមាសខុសច្បាប់ ដែលក្រុមមន្រ្តីនិយាយថា បានសម្លាប់មនុស្សយ៉ាងហោច ២៣នាក់ ។ 

ភ្លៀងធ្លាក់ខ្លាំង បង្កឲ្យកើតមានគ្រោះមហន្តរាយធម្មជាតិកាលពីថ្ងៃអាទិត្យ និងធ្វើឲ្យប៉ះពាល់យ៉ាងខ្លាំងដល់កម្មករអណ្តូងរ៉ែ និងប្រជាពលរដ្ឋរស់នៅលើកោះ Suwawa ក្នុងខេត្ត Gorontalo ដែលមានចម្ងាយជាង ២ពាន់គ.មភាគខាងកើតរដ្ឋធានីហ្សាកាតា របស់ប្រទេសឥណ្ឌូនេស៊ី ។ 

លោក Ridwan ស្ថិតនៅក្នុងចំណោមកម្មករអណ្តូងរ៉ែ ៩៥នាក់ ដែលបានរស់រាន ហើយលោកបានរំឭកដល់ពេលដែលលោកអង្គុយលើមាត់អណ្តូងរ៉ែ ។ 

លោកនិយាយថា លោកបានរត់ចុះភូមិ ដើម្បីស្វែងរកជំនួយ ហើយវាពិតជាភ្លៀងខ្លាំងណាស់ ។ មនុស្សនៅក្នុងភូមិព្រមានលោកថា មិនត្រូវត្រឡប់ទៅវិញជាដាច់ខាត រហូតដល់ពេលព្រឹកស្អែក ដោយសារវាយប់ជ្រៅណាស់ទៅហើយ ៕