ក្រុមអ្នកតវ៉ាប្រឆាំងរដ្ឋាភិបាលបានគប់គ្រាប់បែកភ្លើងទៅលើអគាររដ្ឋាភិបាលរបស់ប្រទេសអាល់បានី និងការិយាល័យអភិបាលក្រុង ទីរ៉ាណា (Tirana) កាលពីល្ងាចថ្ងៃព្រហស្បតិ៍ ១១ កក្កដា ដោយ​ចោទប្រកាន់មន្ត្រីរដ្ឋថាមានជាប់ពាក់ព័ន្ធក្នុងឧក្រិដ្ឋកម្មដែលបានរៀបចំ និងអំពើពុករលួយ បន្ទាប់​ពី​មេដឹកនាំរបស់ពួកគេត្រូវបានដាក់ឱ្យស្ថិតនៅក្រោមការឃុំខ្លួនក្នុងផ្ទះ។  

មនុស្សរាប់​ពាន់​នាក់បានប្រមូលផ្តុំគ្នានៅមុខទីស្នាក់ការរដ្ឋាភិបាលក្នុងរដ្ឋធានីទីរ៉ាណា ខណៈក្រុម​មន្ត្រី​នគរបាលបង្ក្រាបកុបកម្មបានបិទទ្វារការិយាល័យនាយករដ្ឋមន្ត្រីអ៊ីឌីរ៉ាម៉ា (Edi​ Rama)។   

ក្រោយ​មកក្រុមអ្នកតវ៉ាបានចេញទៅក្រៅការិយាល័យអភិបាលក្រុងទីរ៉ាណា ដោយគប់​គ្រាប់​បែក​ភ្លើង និងប៉ះទង្គិចជាមួយនគរបាល។ នគរបាលពុំបានធ្វើអន្តរាគមន៍ទេប៉ុន្តែបាន​បាញ់ព​ន្លត់​គ្រាប់​បែក​ភ្លើង​ភ្លាមៗ​។ ពុំ​ទាន់​មាន​សេចក្តី​រាយ​ការណ៍ភ្លាមៗអំពីអ្នករបួសនោះទេ។

មេបក្សប្រឆាំងលោក សាលី ប៊ើរីសា (Sali Berisha)បានថ្លែង​ទៅ​កាន់​ក្រុម​បាតុករ​តាម​វីដេអូ​ពី​ការ​ឃុំខ្លួនក្នុ​ងផ្ទះ​របស់លោក​។ ​លោកកំពុង​ត្រូវបាន​គេស៊ើប​អង្កេត​ពី​បទ​ពុក​រលួយក្នុ​ង​ពេល​កាន់​តំណែង​ជា​នាយករដ្ឋមន្ត្រីចន្លោះឆ្នាំ

២០០ដល់ឆ្នាំ២០១៣។

លោកប៊ើរីសា បានបដិសេធការធ្វើខុស ដោយបានចោទ លោកនាយករដ្ឋមន្ត្រី អ៊ីឌីរ៉ាម៉ា ពីបទ​សងសឹក​ផ្នែកនយោបាយដោយបំបិទមាត់ក្រុមអ្នកប្រឆាំង ដែលលោក រ៉ាម៉ា បដិសេធ។  

គណបក្ស​ប្រជាធិបតេយ្យដែលជាគណបក្សប្រឆាំងដ៏សំខាន់បានចោទប្រកាន់លោករ៉ាម៉ា ពីបទ​បក្ខ​ពួកនិយម និងអំពើពុករលួយ ដែល​ខ្លួន​និយាយថា​កំពុងជំរុញ​ឱ្យ​យុវជន​ជា​ច្រើន​ធ្វើចំណាក​ស្រុក​ដើម្បី​ជីវិតកាន់តែប្រសើរនៅអឺរ៉ុបខាងលិច៕