​បាល់ទាត់៖ ការប្រកួត​បាល់ទាត់​ក្របខណ្ឌ​ក្លិប​អាជីព​អឺរ៉ុប UEFA Champions League នឹង​វិល​មកវិញ​នៅ​ខែកញ្ញា​ខាងមុខ​នេះហើយ ខណៈ​ការចាប់​ឆ្នោត​បែងចែក​ពូ​ល​នឹង​ធ្វើឡើង​នៅ​រាត្រី​ថ្ងៃ​ព្រហស្បតិ៍​នេះ​នៅ​ទីក្រុង Istanbul ប្រទេស​ទួ​រ​គី​។

​​មកដល់ពេលនេះ​មាន ២៦ក្រុម​មាន​កៅអី​ស្វ័យប្រវត្តិ​សំរាប់​វគ្គ​ចែក​ពូ​ល ខណៈ ៦ក្រុម​ត្រូវ​ឆ្លងកាត់​វគ្គ Play-Off​។ ​​សំរាប់​ក្របខណ្ឌ​កំពូល​ទាំង ៥ នៅ​អឺរ៉ុប​មានតែ​អេ​ស្ប៉ា​ញ​ទេ​ដែលមាន ៥ ក្រុម​មាន​កៅអី​ស្វ័យប្រវត្តិ​គឺ Atletico Madrid, Real Madrid, Barcelona, Seville និង Villarreal ដែលជា​ជើងឯក UEFA Europa League​។​ ​​អង់គ្លេស​មាន ៤ រួមមាន Manchester City, Manchester United, Liverpool និង Chelsea​។​ ​​អាល្លឺម៉ង់​មាន ៤ រួមមាន Bayern Munich, RB Leipzig, Borussia Dortmund និង Wolfsburg​។​ ​​អ៊ីតាលី​មាន ៤ ដែរ​រួមមាន Inter Milan, AC Milan, Atalanta និង Juventus ខណៈ​បារាំង​មាន​ពីរ​គឺ Lille និង Paris Saint Germain​។​

​​ព័រទុយហ្កាល់​មាន ៣ក្រុម​គឺ Sporting Lisbon, Porto និង Benfica ក្រៅពីនោះ​មានរុស្សី ១ក្រុម Zenit St. Petersburg, ប៊ែ​ល​ហ្ស៊ិ​ក ១ក្រុម Club Brugge, អ៊ុយ​ក្រែ​ន ២ក្រុម Dynamo Kiyv និង Shakhtar Donetsk, ហូ​ឡង់ ១ក្រុម Ajax Amsterdam, ទួរគី ១ក្រុម Besiktas, ស្វ៊ី​ស ១ក្រុម Young Boys, ស៊ុយអែត ១ក្រុម Malmo, អូទ្រីស ១ក្រុម RB Salzburg និង​ម៉ុ​ល​ដូ​វ៉ា ១ក្រុម Sheriff Tiraspol​។​ ​​យន្តការ​នៃ​ការចាប់​ឆ្នោត​បែងចែក​ពូ​ល​មិន​ខុសប្លែក​ពី​រដូវ​កាល​មុន​ឡើយ ដោយ​ក្លិប​ដែល​មកពី​លី​គ​តែមួយ​មិនអាច ចាប់ឆ្នោត​ចូលក្នុង​ពូ​ល​ជាមួយគ្នា​ឡើយ​។​ ​ការប្រកួត​ជុំ​ដំបូង​នៃ​វគ្គ​វិលជុំ​ក្នុង​ពូ​ល​នឹង​ចាប់ផ្តើម​នៅ​ថ្ងៃទី១៤ និង ១៥ ខែកញ្ញា​៕

​អត្ថបទ​៖​នាង សុភា​វុ​ធ