ឯកអគ្គរដ្ឋទូតរុស្ស៊ីប្រចាំនៅទីក្រុងវ៉ាស៊ីនតោន លោក Anatoly Antonov បាននិយាយថា ផែនការរបស់សហរដ្ឋអាមេរិក ក្នុងការដាក់ពង្រាយសព្វាវុធរយៈចម្ងាយឆ្ងាយប្រភេទថ្មី នៅក្នុងប្រទេសអាល្លឺម៉ង់ ដែលចាប់ផ្តើមនៅឆ្នាំ ២០២៦ បង្កើនលទ្ធភាពនៃការប្រណាំងប្រជែងសព្វាវុធ ហើយអាចបង្កឲ្យមានការកើនឡើងភាពតានតឹងដែលមិនអាចគ្រប់គ្រងបាន។

អ្នកការទូតរូបនេះ បាននិយាយនៅលើបណ្តាញ Telegram របស់ស្ថានទូតរុស្ស៊ីថា៖«ជាពិសេស នេះគឺអំពីផែនការរបស់សហរដ្ឋអាមេរិកក្នុងការដាក់ពង្រាយមីស៊ីលរយៈចម្ងាយមធ្យម និងចម្ងាយខ្លី នៅក្នុងទ្វីបអឺរ៉ុប។ ទីក្រុងវ៉ាស៊ីនតោន កំពុងមានកំហុសដ៏ធ្ងន់ធ្ងរ។ 

លោកបានពន្យល់ថា៖«ជនជាតិអាមេរិក កំពុងបង្កើនហានិភ័យនៃការប្រកួតប្រជែងអាវុធមីស៊ីល។ នៅទីនេះ ពួកគេ ភ្លេចថា ការឆ្ពោះទៅរកការប្រឈមមុខដាក់គ្នាអាច នឹងធ្វើឲ្យមានការកើនឡើងភាពតានតឹងដែលមិនអាចគ្រប់គ្រងបាន ស្របពេលភាពតានតឹងដ៏គ្រោះថ្នាក់នៃភាពតានតឹង នៅតាមបណ្តោយផ្លូវរុស្ស៊ី-ណាតូ»ដែរនោះ។

ប្រេសិតរូបនេះ បានកត់សម្គាល់ថា៖«ជំនួសឲ្យការប្រាថ្នាចង់បានសន្តិភាព ដូចរុស្ស៊ីធ្វើ ជនជាតិអាមេរិក បានដើរតាមផ្លូវយោធានិយមដ៏គ្រោះថ្នាក់។ នៅទីនោះ គ្មាននរណាម្នាក់ គិតអំពីការកាត់បន្ថយផលវិបាកដ៏គ្រោះថ្នាក់នៃការបំពានសន្ធិសញ្ញាកងកម្លាំងនុយក្លេអ៊ែរកម្រិតមធ្យមនោះទេ។ ទីក្រុងវ៉ាស៊ីនតោន បានបង្ហាញជាថ្មីម្តងទៀតនូវតម្រូវការគ្មានដែនកំណត់ ដើម្បីបង្ហាញឧត្តមភាពយោធារបស់ខ្លួន»។