គណបក្សប្រជាធិបតេយ្យ(DP)ដែលជាបក្សប្រឆាំងដ៏សំខាន់ នៅថ្ងៃសុក្រនេះ បានចាប់ផ្តើមក្រុមការងារមួយ ដើម្បីការពារសកម្មជននៅក្នុងប្រទេសកូរ៉េខាងត្បូង ពីការបញ្ជូនខិត្តប័ណ្ណប្រឆាំងទីក្រុងព្យុងយ៉ាង ទៅកាន់ប្រទេសកូរ៉េខាងជើង។

គណបក្ស DP ក៏នឹងស្នើច្បាប់មួយដែលហាមប្រាមការចែកចាយខិត្តប័ណ្ណក្នុងវិធានការមួយ ដែលមានបំណងទប់ស្កាត់ការបង្កហេតុកូរ៉េខាងជើង បន្ទាប់ពីខ្លួនបានបញ្ជូនបាឡុងរាប់ពាន់ដែលផ្ទុកសំរាម ទៅកូរ៉េ ខាងត្បូង ចាប់តាំងពីចុងខែឧសភា។

លោក Park Chan-dae មេដឹកនាំជាន់ខ្ពស់នៃបក្សDP បាននិយាយក្នុងពិធីមួយនៅសភា ដែលចាប់     ផ្តើម   ដំណើរការក្រុមការងារនេះថា៖«(រដ្ឋាភិបាល និងគណបក្សកាន់អំណាច) កំពុងលាក់ខ្លួននៅពីក្រោយ   វោហាស័ព្ទនៃសេរីភាពនៃការបញ្ចេញមតិ ខណៈពេលដែលមិនអើពើនឹងការព្រួយបារម្ភ និងការភ័យខ្លាចរបស់ប្រជាពលរដ្ឋ នៅតាមតំបន់ព្រំដែន និងសាធារណៈជន។

លោកបានបន្ថែមថា សមាជិកសភា ក្នុងគណៈកម្មាធិការអចិន្ត្រៃយ៍ដែលពាក់ព័ន្ធនឹង «គាំទ្រយ៉ាងសកម្ម» វិធានការដែលហាមឃាត់ការចែកចាយខិត្តប័ណ្ណ «បង្កគ្រោះថ្នាក់ និងគ្មានប្រយោជន៍»។

សមាជិកសភាលោក Yoon Hu-duk ដែលជាប្រធានក្រុមការងារនេះ ក៏បាននិយាយដែរថា លោកនឹងចេញវិធានការ ដែលអាចធ្វើទៅបាន ដើម្បីរារាំងសកម្មជនមិនឲ្យផ្ញើខិត្តប័ណ្ណ នៅកន្លែងកើតហេតុនោះ។

អស់ជាច្រើនឆ្នាំមកនេះ អ្នករត់ចោលស្រុកកូរ៉េខាងជើងនៅកូរ៉េខាងត្បូង និងសកម្មជនអភិរក្ស បានបញ្ជូនទៅប្រទេសកូរ៉េខាងជើងនូវបាឡុងដែលផ្ទុកខិត្តប័ណ្ណរិះគន់មេដឹកនាំកូរ៉េខាងជើង លោក គីម ជុងអ៊ុន។