ភំ្នពេញ ៖ ដោយមើលឃើញពីទុក្ខលំបាក និងជីវភាពខ្វះខាតរបស់មន្រ្តីនគរបាលជាតិ និងដោយមានការឯកភាពពី ឯកឧត្តម ឧត្តមសេនីយ៍ឯក ប៊ុនប៉ា ម៉ារីលុច និង ឯកឧត្តម ឧត្តមសេនីយ៍ឯក ព្រុំ សន្ធរ អគ្គស្នងការរងទទួលការងារដឹកនាំមន្ទីរប្រឆាំងគ្រឿងញៀន។

ជាក់ស្ដែងនៅរសៀលថ្ងៃទី១២ ខែកក្កដា ឆ្នាំ២០២៤នេះ ឯកឧត្តម ឧត្តមសេនីយ៍ឯក ឃឹង សារ៉ាត់ នាយកមន្ទីរប្រឆាំងគ្រឿងញៀន បានចាត់លោកវរសេនីយ៍ឯក សាន់ ដេត នាយការិយាល័យបច្ចេកទេស នៃមន្ទីរប្រឆាំងគ្រឿងញៀន នាំយកថវិកាចំនួន ១២លានរៀល (១២.៥០០.០០០រៀល) ដែលជាអំណោយដ៏ថ្លៃថ្លារបស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ ជូនលោកអនុសេនីយ៍ទោ ឡុង គំនិត ឋាន: នាយរងផ្នែក នៃការិយាល័យបច្ចេកទេស ដែលកំពុងកំរាកព្យាបាលជំងឺមហារីក (ចាក់គីមី ) នៅមន្ទីរពេទ្យរុស្សី។

ក្នុងឱកាសនោះដែរ លោកអនុសេនីយ៍ទោ ឡុង គំនិត និងក្រុមគ្រួសារ សូមថ្លែងអំណរគុណយ៉ាងជ្រាលជ្រៅបំផុតជូនចំពោះ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ ឯកឧត្តម ឧត្តមសេនីយ៍ឯក ប៊ុនប៉ា ម៉ារីលុច និង ឯកឧត្តម ឧត្តមសេនីយ៍ឯក ព្រុំ សន្ធរ អគ្គស្នងការរងទទួលការងារដឹកនាំមន្ទីរប្រឆាំងគ្រឿងញៀន និងឯកឧត្តម ឧត្តមសេនីយ៍ឯក ឃឹង សារ៉ាត់ នាយកមន្ទីរប្រឆាំងគ្រឿងញៀន ដែលជានិច្ចកាលតែងតែយកចិត្តទុកដាក់គិតគូអំពីសុខទុក្ខរបស់មន្ត្រីក្រោមឱវាទ ដែលកំពុងមានជំងឺសំរាកព្យាបាលនៅមន្ទីរពេទ្យឬនៅគេហដ្ឋាន៕ អត្ថបទ៖ កុម្ភះ