ការកើនឡើងនៃចំនួនសមាជិកគណបក្សប្រជាធិបតេយ្យនៅក្នុងសភា កំពុងអំពាវនាវជាសាធារណៈដល់ប្រធានាធិបតីគណបក្សប្រជាធិបតេយ្យលោក Joe Biden ឱ្យបញ្ចប់បំណងបោះឆ្នោតជាថ្មីរបស់លោក បន្ទាប់ពីការអនុវត្តន៍ការជជែកដេញដោលមិនបានល្អ របស់អ្នកកាន់អំណាចវ័យ៨១ឆ្នាំរូបនេះទល់នឹងគូប្រជែងរបស់លោក មកពីគណបក្សសាធារណរដ្ឋលោក Donald Trump ។

ខណៈសមាជិកសភាជាច្រើន បានសម្តែងការមិនសប្បាយចិត្តជាមួយបេក្ខជន លោក Biden ហើយអ្នកផ្សេងទៀតបានគាំទ្រយ៉ាងខ្ជាប់ខ្ជួននូវផែនការរបស់អ្នកកាន់អំណាចរូបនេះ ខណៈយ៉ាងហោចណាស់សមាជិកសភាចំនួន១៩រូប បានជំរុញឱ្យលោកចាកចេញ ដូច្នេះគណបក្សនេះ អាចជ្រើសរើសបេក្ខជនណាម្នាក់ផ្សេងទៀត។

លោក Biden បាននិយាយដដែលៗថា លោកមានបំណងនៅតែជាអ្នកកាន់តំណែងរបស់គណបក្សលោក ហើយលោកនៅតែមានការគាំទ្រពីមនុស្សសំខាន់ៗនៅក្នុងគណបក្ស។ 

សមាជិកគណបក្សប្រជាធិបតេយ្យ មានការព្រួយបារម្ភថា លោកចាស់ពេកសម្រាប់ការងារនេះ ដែលអាចបណ្តាលឱ្យពួកគេបាត់បង់អាសនៈនៅក្នុងសភា និងព្រឹទ្ធសភា ធ្វើឱ្យពួកគេគ្មានអំណាចនៅក្នុងទីក្រុងវ៉ាស៊ីនតោន ប្រសិនបើលោក Trump ទទួលជ័យជម្នះនៅសេតវិមាន។

មន្ត្រីការិយាល័យគណបក្សប្រជាធិបតេយ្យ ម្ចាស់ជំនួយ និងសកម្មជន កំពុងព្យាយាមកំណត់ថាតើលោក Biden អាចយកឈ្នះលោក Trump ក្នុងការបោះឆ្នោតនៅថ្ងៃទី៥ ខែវិច្ឆិកា និងបម្រើការងារក្នុងអាណត្តិរយៈពេល៤ឆ្នាំទៀត នៅក្នុងសេតវិមាន បានដែរឬទេ ។