ភាគីជម្លោះរបស់ស៊ូដង់ បានចាប់ផ្តើមកិច្ចចរចាដោយប្រយោលដឹកនាំដោយអង្គការសហប្រជាជាតិកាលពីថ្ងៃព្រហស្បតិ៍ នៅទីក្រុងហ្សឺណែវ ក្នុងគោលបំណងឈានទៅដល់លទ្ធភាពបទឈប់បាញ់ ការការពារជនស៊ីវិល និងសម្របសម្រួលការគាំទ្រផ្នែកមនុស្សធម៌។

តាមការអញ្ជើញរបស់បេសកជនផ្ទាល់ខ្លួនរបស់អគ្គលេខាធិការអង្គការសហប្រជាជាតិលោក អង់តូនីញ៉ូ ហ្គុយតឺរេស (Antonio Guterres) លោក Ramtane Lamamra គណៈប្រតិភូមកពីភាគីសង្គ្រាមទាំងពីរ កងកម្លាំងប្រដាប់អាវុធស៊ូដង់ (SAF) និងកងកម្លាំងយោធាប៉ារ៉ាគាំទ្ររហ័ស (RSF) បានពិភាក្សាគ្នាក្រោមទម្រង់ជិតស្និទ្ធមួយ នៅទីក្រុងហ្សឺណែវ។ ភាគីទាំងពីរ បានជួបដោយឡែកពីគ្នាជាមួយលោក Lamamra កាលពីថ្ងៃព្រហស្បតិ៍ និងថ្ងៃសុក្រ ហើយពួកគេ នឹងមិនមានកិច្ចពិភាក្សាដោយផ្ទាល់ជាមួយគ្នា ទេ។

អគ្គមេបញ្ជាការនៃកងកម្លាំងប្រដាប់អាវុធស៊ូដង់ (SAF) លោក Abdel Fattah Al-Burhan កាលពីថ្ងៃព្រហស្បតិ៍ បាននិយាយថា កងទ័ព នឹងមិនមានកិច្ចពិភាក្សាជាមួយកងកម្លាំងយោធាប៉ារ៉ាគាំទ្ររហ័ស (RSF) ទេ លុះត្រាតែពួកគេដកខ្លួនចេញពីទីក្រុងទាំងអស់ ដែលពួកគេបានកាន់កាប់ ខណៈដែល RSF កាលពីថ្ងៃសុក្រ បាននិយាយនៅក្នុងសេចក្តីថ្លែងការណ៍មួយថា ពួកគេស្វាគមន៍ការសម្របសម្រួលរបស់អង្គការសហប្រជាជាតិ។ ការពិភាក្សានេះ និងទន្ទឹងរង់ចាំសមិទ្ធិផលស្ថាបនា និងយន្តការដ៏មានប្រសិទ្ធភាពសម្រាប់បទឈប់បាញ់ និងការការពារជនស៊ីវិល។

ទន្ទឹមនឹងកិច្ចពិភាក្សានៅទីក្រុងហ្សឺណែវ ការប៉ះទង្គិចគ្នា បានបន្តនៅក្នុងប្រទេសនេះ។កងកម្លាំង SAF និង កងកម្លាំង RSF កាលពីថ្ងៃសុក្រ បានបាញ់ផ្លោងដាក់គ្នាទៅវិញទៅមក នៅក្នុងតំបន់ជាច្រើននៃទីក្រុងខាទុំខាងជើង( North Khartoum )។ កងកម្លាំង SAF បានឆ្ពោះទៅរករោងចក្រចម្រាញ់ប្រេង Khartoum ដែលកាន់កាប់ដោយកងកម្លាំង RSF ហើយមានការប៉ះទង្គិចគ្នាជាច្រើន។