ការិយាល័យប្រព័ន្ធផ្សព្វផ្សាយដែលគ្រប់គ្រងដោយក្រុមហាម៉ាស បាននិយាយថា ប្រជាជនប៉ាឡេស្ទីនរាប់សិបនាក់ ត្រូវបានសម្លាប់ ឬរងរបួសនៅក្នុងការវាយប្រហាររបស់អ៊ីស្រាអែលនៅ ថ្ងៃសៅរ៍ (ទី១៣ ខែកក្កដា)នេះ ដែលបានវាយប្រហារទៅតង់ជម្រករបស់ជនភៀសខ្លួន នៅទីក្រុងខាន់ យូនីស នៃតំបន់ហ្កាហ្សា។ 

យោធាអ៊ីស្រាអែល បាននិយាយថា ខ្លួនកំពុងពិនិត្យមើលរបាយការណ៍នេះ។ ពុំទាន់មានសេចក្តីថ្លែងការណ៍ណាមួយពីក្រសួងសុខាភិបាលតំបន់ហ្កាហ្សាអំពីចំនួនអ្នកស្លាប់ជាផ្លូវការនៅឡើយទេ។

សេចក្តីថ្លែងការណ៍ដែលចេញដោយការិយាល័យប្រព័ន្ធផ្សព្វផ្សាយរបស់រដ្ឋាភិបាលគ្រប់គ្រងដោយក្រុមហាម៉ាស បានឲ្យដឹងថា៖«កងទ័ពកាន់កាប់របស់អ៊ីស្រាអែល បានធ្វើការសម្លាប់រង្គាលដ៏ធំមួយ ដោយកា

ទម្លាក់គ្រាប់បែកជំរំតង់របស់អ្នកផ្លាស់ទីលំនៅនៅទីក្រុងខាន់ យូនីស ។ ការវាយប្រហារដ៏គួរឲ្យរន្ធត់នេះ បានសម្លាប់មនុស្សជាង ១០០នាក់ ក្នុងនោះមានសមាជិកជាច្រើននាក់នៃសេវាសង្គ្រោះបន្ទាន់ស៊ីវិល»។