អាហ្វហ្គានីស្ថាន៖ ប្រហែលមួយម៉ោងមុនពេលការផ្ទុះចំនួន២ នៅរដ្ឋធានីអាហ្វហ្គានីស្ថានកាលពីថ្ងៃព្រហស្បតិ៍ គេបានមើលឃើញហ្វូងមនុស្សកំពុងរត់គេចពីការបាញ់កាំភ្លើង ដោយកងកម្លាំងតាលីបង់នៅជិតអាកាសយានដ្ឋានអន្តរជាតិកាប៊ុល។
ភាពច្របូកច្របល់បានបង្ហាញពីមនុស្សកំពុងរត់នៅតាមដងផ្លូវ ខណៈដែលគេបានលឺស្នូរកាំភ្លើងរួមជាមួយសំឡេងស្រែកខ្លាំងៗ។ ក្រុមតាលីបង់បានបាញ់កាំភ្លើងជាទៀងទាត់ ដើម្បីព្យាយាមគ្រប់គ្រងហ្វូងមនុស្សអាហ្វហ្គានីស្ថាន ដែលកំពុងសម្រុកទៅកាន់ព្រលានយន្តហោះដែលធ្វើឲ្យបុរស ស្ត្រី និងកុមាររត់គេចយ៉ាងភ័យខ្លាច។ មន្ត្រីអាហ្វហ្គានីស្ថាន និងអាមេរិកបាននិយាយថា ខ្មាន់បំផ្ទុះគ្រាប់បែកអត្តឃាតពីរនាក់ និងខ្មាន់កាំភ្លើងបានវាយប្រហារបានសម្លាប់ជនជាតិអាហ្វហ្គានីស្ថានយ៉ាងតិច ៦០នាក់ និងទាហានអាមេរិក ១២នាក់។
សាខារបស់ក្រុមរដ្ឋអ៊ីស្លាមនៅអាហ្វហ្គានីស្ថាន បានអះអាងទទួលខុសត្រូវចំពោះការវាយប្រហារនៅខាងក្រៅអាកាសយានដ្ឋាននេះ។ សាខាពួកសកម្មប្រយុទ្ធរដ្ឋអ៊ីស្លាម (IS) ដែលត្រូវបានគេស្គាល់ថា ក្រុមរដ្ឋអ៊ីស្លាមប្រចាំខេត្ត Khorasan នៅក្នុងប្រទេសអ៊ីរ៉ាក់ បន្ទាប់ពីដាក់ឈ្មោះសម្រាប់តំបន់នេះជាយូរមកហើយ បាននិយាយអះអាងទទួលខុសត្រូវថា ខ្លួនបានដាក់គោលដៅលើកងទ័ពអាមេរិក និងសម្ព័ន្ធមិត្តអាហ្វហ្គានីស្ថាន៕
អត្ថបទ៖ សុខមាន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
