ក្រុមបាល់ទាត់ អេស្ប៉ាញក្លាយជាម្ចាស់ពានរង្វាន់ទ្វីបអឺរ៉ុប ក្រោយឈ្នះ អង់គ្លេស ២ទល់១ ព្រឹកថ្ងៃទី១៥ ខែកក្កដា ឆ្នាំ២០២៤។ វគ្គទី១ ក្រុមទាំងពីរស្មើគ្នា ០ទល់០។ វគ្គទី២ លេងបាន ២នាទី អេស្ប៉ាញនាំមុខ ដោយការទាត់បញ្ចូលទីរបស់ Nico Williams ពេលដែល Lamine Yamal បោះបាល់ឱ្យ។ នាទីទី៧៣ អង់គ្លេសតាមស្មើដោយ Cole Palmer បន្ទាប់ពី Jude Bellingham បញ្ជួនបាល់ឱ្យ។ តែនាទី៨៦ កីឡាករ Mikel Oyarzabal បន្ថែមគ្រាប់ជ័យជំនះ​ឱ្យអេស្ប៉ាញ។

 ចប់ការប្រកួត អេស្ប៉ាញឈ្នះ ២ទល់១និងក្លាយជាម្ចាស់ពានរង្វាន់បាល់ទាត់ទ្វីបអឺរ៉ុប ២០២៤។

មុនក្លាយជាម្ចាស់ពានរង្វាន់ទ្វីបអឺរ៉ុប ២០២៤ អេស្ប៉ាញ មិនចាញ់សូម្បី១ប្រកួត តាំងពីវគ្គ​ចែក​ពូល រហូតដល់វគ្គផ្តាច់ព្រ័ត្រ ពោល៧ប្រកួត ឈ្នះទាំង៧ និងទាត់បញ្ចូលទីគូប្រកួត ១៥គ្រាប់ និង​របូតគ្រាប់បាល់៥គ្រាប់៕