ប្រធានាធិបតីរ្វ៉ាន់ដា លោក Paul Kagame បាននិយាយកាលពីថ្ងៃសៅរ៍ថា ប្រទេសរបស់លោក មានទំនាក់ទំនងដ៏រឹងមាំជាមួយប្រទេសចិន ហើយចង់រក្សាវាឲ្យមានជារៀងរហូត។

លោក Kagame បានធ្វើការអត្ថាធិប្បាយនេះ ខណៈកំពុងថ្លែងនៅក្នុងសន្និសីទសារព័ត៌មានមួយក្នុងទីក្រុង Kigali រដ្ឋធានីរបស់ប្រទេសនេះ ភ្លាមៗបន្ទាប់ពីបញ្ចប់យុទ្ធនាការរបស់លោក នៅមុនការបោះឆ្នោតប្រធានាធិបតី និងសភា នៅថ្ងៃចន្ទនេះ។

លោក Kagame បាននិយាយនៅក្នុងការឆ្លើយតបទៅនឹងសំណួរអំពីទំនាក់ទំនងជាប្រវត្តិសាស្ត្ររវាងប្រទេសរ្វ៉ាន់ដា និងប្រទេសចិនក្នុងរយៈពេល ៥០ឆ្នាំកន្លងមកថា៖«យើងមានទំនាក់ទំនងល្អជាមួយប្រទេសចិន ហើយយើងចង់រក្សាទំនាក់ទំនងនេះ»។

លោកប្រធានាធិបតីរ្វ៉ាន់ដា បាននិយាយថា មិនដូចដៃគូផ្សេងទៀតទេ ប្រទេសចិន ធ្វើការទំនាក់ទំនង ជាមួយប្រទេសរ្វ៉ាន់ដា និងប្រទេសអាហ្រ្វិកផ្សេងទៀត ក្នុងលក្ខណៈគោរព និងមិនមានបំណងដាក់អ្វីដែលខ្លួនគិតថាត្រឹមត្រូវសម្រាប់ពួកគេនោះទេ។

លោកបានបន្ថែមថា៖«យើងធ្លាប់មានទំនាក់ទំនង ដែលអ្នកខ្លះចង់ហួសហេតុ ប្រាប់អ្នកថា អ្នកត្រូវតែធ្វើនេះ អ្នកត្រូវតែធ្វើនេះ អ្នកមិនគួរធ្វើបែបនេះទេ។ អំពីអ្វីដែលយើងចង់បាន គឺរបៀបដែលយើងចង់ឲ្យទំនាក់ទំនងឲ្យក្លាយទៅជាបែបនោះ និងអ្វីដែលយើងចង់បានក្នុងទំនាក់ទំនងនោះ យើងមានភាពរឹងមាំចំពោះអ្វីដែលប្រទេសយើងចង់បាន»។

កិច្ចសហប្រតិបត្តិការរវាងចិន និងរ្វ៉ាន់ដា គ្របដណ្តប់លើវិស័យជាច្រើន ចាប់ពីពាណិជ្ជកម្ម និងការវិនិ  យោគ រហូតដល់សុខភាព និងហេដ្ឋារចនាសម្ព័ន្ធ។